Sunday, January 2, 2011

တောသို့  ဝင်သည့် နေ့  ..

ဤဝတ္ထုကို ဆရာမာန်(တောင်လုံးပြန်)မှ ရေးသားထားခြင်းဖြစ်ပါသည်။
မိတ်ဆွေတစ်ယောက်က စာဖတ်အားအလွန်နဲပြီးပျင်းလှသောကျွန်တော့် ကို ဖတ်ကြည့် စမ်းပါဟု ပေးလာ
သဖြင့်  သူ့ ကိုအားနာ၍ ယူထားမိပြီး အလုပ်နားသည့် တစ်ရက်တွင် ပျင်းပျင်းနှင့် ပဲ စာအုပ်၏ ပထမဆုံး
စာမျက်နှာများမှာနေရာယူထားသည့်  ကိုဝင်းငြိမ်း၊ဝင်းသိန်းဦး၊မာန်(တောင်လုံးပြန်)တို့  ရေးထားသောအမှာစာ
များကို တစ်ရွက်ချင်းလှန်ဖတ်သွားနေရင်းက အဖွင့် ဇာတ်လမ်းဖြစ်သော “ တောသို့ ဝင်သည့် နေ့ ” သို့  ရောက်
ရပါတော့ သည်။
ခေါင်းစဉ်လေးကိုက ရိုးရိုးလေးနှင့် ဆန်းနေပြန်သဖြင့် သိချင်စိတ်နှင့်ပင် အမြည်းသဘောဖတ်မိနေရင်းက
တဖြည်းဖြည်း ပြီးချင်စိတ်တို့  တဖွားဖွားပေါ်ပေါက်လာပြီး တစ်ထိုင်တည်းဖြင့် ပင် တစ်အုပ်လုံးပြီးသည်အထိ
ဖတ်မိသွားရသည့်  စာအုပ်ကလေးပဲဖြစ်ပါသည်။
ထို့ ကြောင့်  ပြောခဲ့ ဘူးသလို ကောင်းတာလေးများတွေ့ ရလျင် ချစ်သူခင်သူများကို အရင်ဦးဆုံးပဲ သတိရတတ်
သည့်  လူတို့ ၏အကျင့် ကလေးအတိုင်း ကျွန်တော့် ဆီသို့ မကြာခဏရောက်နေတတ်သော ကျွန်တော့်မိတ်ဆွေ
တို့ အတွက် ကျွန်တော်ကောင်းသလို ကောင်းစေချင်၍ တဆင့်ပြန်ကူးဖော်ပြမိပါသည်။
တိုင်းပြည်ဆင်းရဲသောကြောင့်  မိသားစုအသိုင်းအဝိုင်းတို့ နှင့် ရှင်ကွဲခွဲခွာ၍ ကမ္ဘာအရပ်ရပ်သို့ နည်းမျိုးစုံဖြင့်
ကစဉ့် ကလျား ကွဲပြားရောက်ရှိလုပ်ကိုင်နေကြရသော ညီအကိုမောင်နှမအားလုံးကိုပါ ကိုယ်စားပြုနိုင်လိမ့် 
မည်ဟု အထင်ရှိသောကြောင့် လည်း ကျွန်တော်ဤဝတ္ထုကို တဆင့် ပြန်လည်ကူးယူဖေါ်ပြမိပါသည်။
ဖတ်ပြီးသူများအတွက် အဟောင်းဖြစ်သွားနိုင်သလို မဖတ်ရသေးသူများအတွက်လည်း အသစ် တစ်ခုတော့ 
ဖြစ်နိုင်လိမ့် မည်ဟု ထင်မိပါကြောင်းဖြင့် .....။




နေ့ စွဲ။ ၁၅-၆-၁၉၉၂
၂၂ပိသာ

၂၂ပိသာရဲ့ အလေးချိန်ထည့် ဝင်ထားသော ခဲအိပ်ကို မ၍၊ လက်တွင် ဆကြည့်သည်။ ခပ်ပေါ့ ပေါ့  သဘောထား
၍မရ။ခဲမှုန့် ကို အခြောက်ခံ၍ အဝတ်တစ်ထပ်၊ပြီးမှ ပုဆိုးတစ်ထပ်၊ နောက်ထပ်လွယ်၍ ကျောပိုးရန် ပုံစံကျကျ
တုပ်နှောင်ထားခြင်းဖြစ်သည်။

အချိန်က မနက်လေးနာရီခွဲ။
ရုတ်တရက်မိုးရွာချလိုက်သဖြင့်  စိတ်တွေထိုင်းမှိုင်းသွားသည်။
“ ဖြစ်ရဲ့ လား ကောင်လေး ”
ခဲပိုင်ရှင်လည်းဖြစ်၊ ဦးလေးလည်းတော်စပ်သူ၏အမေးကို ခေါင်းညိတ်ပြဖြစ်သည်။
“အေးလေကွာ..ဒီမနက်မှ မိုးက ရွာရတယ်လို့ ”
ကျွန်တော်တို့ အားလုံးပေါင်း ခဲထမ်းသမား ခြောက်ယောက်ရှိသည်။ ခဲပိုင်ရှင်နှစ်ဦးနှင့်ဆို ပေါင်းရှစ်ယောက်၊
နေရာက တနင်္သာရီတိုင်း၊ရေဖြူမြို့  နယ်၊ ကံဘောက်ကျေးရွာ။ သွားရမှာက တောလမ်းမှတဆင့် တစ်ဖက်နိူင်ငံ
နယ်စပ် နတ်အိမ်တောင်သို့ ။ ကျွန်တော့်ရည်ရွယ်ချက်က တစ်ဖက်နိူင်ငံတွင် သွားရောက်လုပ်ကိုင်စားသောက်
ရန်၊ ယ္ခု ခရီးကြုံဖြင့် ခဲထမ်းရင်းလိုက်ရမည်။ ခဲပိုင်ရှင်ဦးလေး၏သားဖြစ်သူ၊ ညီဝမ်းကွဲ မောင်သန့် စင် သည်
တစ်ဖက်နိုင်ငံတွင် အလုပ်လုပ်နေသည်မှာ ကာလ အတန်ကြာခဲ့ ပြီ။ ယ္ခုအလည်ပြန်လာရင်းကျွန်တော့်ကို
ခေါ်ဆောင်သွားမည်။
ဘာဖြစ်မလဲ..... ဖြစ်ချင်ရာဖြစ်ပေါ့ ။
ခရီးအထွက်မှာပင်မပြတ်စွာရွာနေသောမိုးကြောင့်  အံကြိတ်ဖြစ်သည်။
မိုးဦးမှမိုးဦးစစ်စစ်။ သည်နှစ်မိုးရာသီတွင် ကံဘောက်ရွာမှာ ပထမဆုံးရွာသော မိုးပါတဲ့ ။
ရှစ်နာရီမထိုးမီဟု သတ်မှတ်ကြသည်။ ကလိန်အောင်ကားလမ်းမကို မနက်ရှစ်နာရီမထိုးမီ ဖြတ်နိုင်မှ ဖြစ်မည်
ဟု အုပ်စုခေါင်းဆောင်က အမိန့် ချမှတ်သည်။ ဒါမှ စိတ်ချရမည်ဟု ဆို၏။တဖြည်းဖြည်းကျိန်းစပ်လာသောပုခုံး
နှစ်ဖက်ကိုစမ်းရင်း ခဲ လွယ်ထားသော ဟန်ချက်ကို ဆွဲတင်ကြည့်သည်။နောက်ထပ်ဆယ့်ငါးမိနစ်ဆို ခေတ္တနား
ကြမည်။ရှေ့ က သွားနေသူများက အားပေးသည်။ ပထမဆုံးအခေါက်ဆိုတော့  နဲနဲစိတ်ပျက်မယ်၊ သီချင်းနဲ့ 
လိုက်ကွ။ သည်တောလမ်းခရီး မိုးတဖွဲဖွဲထဲမှာ လက်ရှိဒုက္ခကို စိတ်ရောက်နေလျှင် ပိုပင်ပန်းရုံရှိမည်။
အရင်ဦးဆုံး နှုတ်မှထွက်လာသည်က ....
“ မည်သူမဆို .. မကူညီသည်ဖြစ်စေ၊ မည်သူမဆို ကူညီသည်ဖြစ်စေ၊ ကိုယ်ထူ ကိုယ်ထ ကိုယ့်ဘဝ ကိုယ့် အခြေ
ကိုယ့်အားကိုယ်ကိုး..... မှ............... ”
မတွေးမိအောင်နေသည့်ကြားမှ အတွေးတို့ က အိမ်သို့ ရောက်သွားပြန်သည်။ ရန်ကုန်၊ အမေ၊သူငယ်ချင်းတွေ
လက်ဖက်ရည်ဆိုင်တွေနှင့် ယခုဘဝ တစ်ခြားစီပါလား။ ဘဝဆိုတာထဲ ခုန်မချရန် အမေတားနေသည့်ကြားမှ
ချမ်းသာချင်စိတ်ကနေမရပြီဆိုတော့  ...
“ ကင်းမရှိဘူးဟေ့ ၊ အေးအေးဆေးဆေးပဲ ”
ရှေ့ မှ ကြိုသွားနေသူက ပြန်လှည့်စောင့်ရင်း၊ ကျွန်တော်အုပ်စုကို ဝမ်းသာအားရပြန်လှည့်ပြောသည်။ တစ်ခါ
တစ်ရံ ကင်းစောင့်ရှိနေလျှင် ကြန့် ကြာတတ်သည်။ ပြဿနာရှည်သွားတတ်သည်။ အထွက်ခရီးမှာ အဆင်ပြေ
လျှင်တစ်လမ်းလုံးချောမွေ့ သွားတတ်သည်ဟုခဲသမားများ စွဲစွဲမြဲမြဲယုံကြည်ပြီးသား။
“ ဒီမိုးဟာ တို့ ကို ကူညီတဲ့ မိုးကွ”
ခဲပိုင်ရှင်ဦးလေးက ရွာနေတဲ့ မိုးကို ကြည့် ၍ပြောသည်။ ဘုရားရေ... ကျွန်တော့်မှာတော့  အသည်းခိုက်အောင်ခံ
နေရပြီ။ သူက အှုလှိုက်သည်းလှိုက်ကျေးဇူးတင်နေသည်။ ဘာကြောင့်ပါလိမ့်  ..သြော်.. မိုးရွာနေလို့  ကင်းသမား
မရှိခြင်းပေကိုး။
တောတောင်တို့ ၏သဘောမှာ အပြင်မှ တွေးကြည့်လျှင် သာယာပါသည်။ တကယ်ရောက်နေသူအဖို့  ကျေးငှက်
သာရကာ၊စမ်းရေ၊ပန်းရိုင်း စသည်တို့ အား အာရုံခံဘို့ ထက် ပျင်းရိဖွယ်ရာ ရှုခင်းတွေသာ များပါသည်။တကယ်
မှာလည်း ကျွန်တော့် အနေဖြင့် ဘယ်အာရုံကိုခံစားကြည်နူးရပါ့ ။ ကျောပုခုံးထက်တွင် စံမြန်းနေသည့်  ၂၂ပိသာ
ခဲထုပ်ကို အပေါ်မှမိုးလုံအောင် ကာထားရသည့် အထဲ ဇွဲ ဆိုသည့်  ပင်ပင်ပန်းပန်းကိစ္စကြီးအား ဆင်နွှဲနေရသည့်
ဒုက္ခကြီးဖြစ်နေသည်။ ဇွဲဆိုတာ ငရဲများလား။ ခဏနားလို့ လည်းမဖြစ်၊ မိုးရေထဲမှာ နားလိုက်လျှင် ချမ်းလာမည်။
ဆက်လျှောက်နေပါမှ ခန္ဓာကိုယ်သွေးလည်ပတ်ကာနွေးနေမည်ကိုး။
ထမင်းစားပြီးတော့  ၂နာရီထိုးပြီ။ မိုးစဲသွားစဉ် ခေတ္တနားကာ ထမင်းစားကြခြင်းဖြစ်သည်။
“ မောပြီလား ကိုထွေး ကျွန်တော်ကူသယ်ပေးမယ်လေ ”
သန့် စင်၏ စကားကိုကျေးဇူးတင်သော်လည်း ကျွန်တော်၏ ၂၂ပိသာသည် ကျွန်တော်နှင့်သာ သက်ဆိုင်စေ
တော့ ။ တစ်ပိသာကို စရိတ်ငြိမ်းငါးဆယ်ရမည်ဆိုသည့် အတွေးနှင့် တစ်ဖက်နိုင်ငံဆိုသည့်  မျှော်လင့်ချက်ကြီး။
တစ်ဖက်နိုင်ငံသို့ ရောက်လျှင်ကျွန်တော်ဟု ခပ်တည်တည်ပင်တွေးကြည့်မိပါသည်။ထို့ အတူ ကြောက်စိတ်များ
လည်းလှည့်ဝင်လာ၏ ဒါပေမဲ့  ကျွန်တော့်ရဲ့  အခိုင်မာဆုံးသော ဆုံးဖြတ်ချက်ကိုတော့  ပြင်၍မရတော့ ။
ကျွန်တော့်မှာသာ ငွေထောင်ဂဏန်းမျှရှိနေလျှင် ဒီလိုဒုက္ခခံပြီး ခဲကူလီသယ်သွားရန်မလို။ အဖေက နောက်တစ်
ပတ်လောက်မှသွားပါဟု ရန်ကုန်မှာ တား ခဲ့ သည်ကို နောင်တ ရခဲ့ သည်။ ကျွန်တော်ထွက်လာချိန်က လက်ထဲ
တွင်ခုနှစ်ရာသာ ပါလာ၏။ ကံဘောက်ရွာရောက်တော့  နှစ်ဆယ်သာ ကျန်တော့ သည်။ရန်ကုန်မှ သုံးရက်ခရီး
သည် သည်မျှသာ ကျန်ပါမည်။ ကံဘောက်ရွာမှာ သုံးရက်လောက်ကြာနေစဉ်၊ သန့် စင် ပြန်ရောက်လာသဖြင့်
ခရီးထွက်ရန် ပိုမြန်သွားသည်။ခက်တာက ကျွန်တော့်လက်ထဲမှာ ငွေမရှိတော့ ။ နောက်ဆုံး ခဲကူလီ လုပ်ကာ
ခရီးစရိတ်ရှာရပြီ။

တောနင်း၊တောင်ဖြတ်၊လျှိုပတ်သည့်  မင်းမှုထမ်းမဟုတ်။ဘဝအမှုကို ထမ်းဘို့ သက်သက်ပင်။
တစ်ခါတရံ၍ အားနာခြင်းသည်လည်း လောကဓံဖြစ်သွားတတ်သည်။ အားနာတာက ကျွန်တော်ခရီးမထွက်မှီ
ရည်းစားလေးက ဆွဲကြိုးရောင်းပေးပါ မည်ဆိုသည်ကိုအားနာ၍မယူရက်၊ အဖေက ရှေ့ တစ်ပတ်တွင် ပိုက်ဆံ
ရမည်ဆိုသည်ကို စောင့်မျှော်ရန်သည်းမခံခဲ့ သဖြင့် ယခုခရီးစရိတ်အတွက် လောကဓံကို ခံပေတော့ ။

ညအိပ်တော့ ပိုဆိုးပြီ....
ဝါးကပ်ခင်းထားသော တဲအထက်မှာ ကျောခင်းလိုက်သည်နှင့် ပူကနဲ ဖြစ်သွားသည်။ ပုခုံးသားများအထိမခံ။
ကျောပြင်က ကျိန်းစပ်နေသည်။ခဲထုပ်၏ဝိညာဉ်ငွေ့ က စိတ္တဇဖြစ်ပြီး ပါလာဆဲ၊ ခဲထုပ်ကြီး ထမ်းထားနေရတုံးပင်
ဟု ထင်နေပါသည်။ ပခုံးနှစ်ဖက်ကိုသနားစိတ်ဖြင့် ကျွန်တော့်ဖာသာ စမ်းမိပါသည်။ ကျွန်တော်ဟာ အမတန်
ပြင်းထန်လှစွာသော လောကဓံကို ခံလိုက်ရသည့်နှယ် နာကြည်းစိတ်ဝင်လာမိ၏။
“ ထဦး..ကောင်လေး..၊ ဒါလေးသောက်ပြီးမှ အိပ်လိုက်”
“ ဘာလဲဦးလေး.. အရက်လား ”
“ ကချင်အရက်ပါကွ၊ အကိုက်အခဲပြေအောင်လို့  ”
စကားနဲသောဦးလေးက ကျဉ်ထောက်ပိုင်းဖြင့် ထည့်ထားသောအရက်ခွက်ကို ချပေးသွားသည်။
မိုးက ရွာကောင်းဆဲ။ တစ်သက်လုံးများရွာတော့ မလားမသိ။ မိုးလင်းမှတိတ်လျှင်လဲ တိတ်သွားမှာပဲဟု တွေးရင်း
ကျဉ်ထောက်ဝကို အသာနမ်းကြည့်သည်။ အနံ့ ကသင်း၏။ တစ်တို့ လောက်တို့ ကြည့်တော့  ပူရှိန်းရှိန်းအရသာ
တွေ့ သည်။
“ ချလိုက်ကိုထွေး.. ၊ မကုန်ရင် ကျွန်တော့ ပေး ”
ငေါက်ခနဲ ထလာသော သန့်စင်ကို ကျဉ်ထောက်ပေးလိုက်၏။
“ သောက်ဦးလေ ၊ ဒါမှ အိပ်ပျော်မှာ...”
ကျွန်တော်သောက်လိုက်တော့  မွှန်ထူသွားသော လည်ချောင်းတစ်ဝိုက်၊ နှာခေါင်း၊လျှာဖျား၊ဦးခေါင်း ပြီးတော့ မှ
ကန်ထွက်လာသောလေပူများ၊ ပြင်းလိုက်တဲ့ ကရင်အရက်ပါလား။ ကျန်အရက်ကို ကျဉ်ထောက်မှ စောင်းငဲ့ 
ကြည့် ရင်း သန့် စင်ဆွဲယူကာ ထသွားသည်။ ဦးလေးတို့  ဝိုင်းဘေးမှာ ချထားသော အင်တုံမြေခွက်ထဲမှာ အရက်
ရှိနေသည်ကိုး....
“ ချအုံးမလား ကိုထွေး၊ အိပ်ပျော်အောင်လို့ ”
ပြောရင်းလက်စနှင့်  သန့် စင်က ခပ်ကြမ်းကြမ်းမော့ သောက်လိုက်သည်။
ပါးစပ်ကိုစေ့ ရင်း စုတ်တစ်ချက်သပ်လိုက်ပုံက အရက်ကိုချီးမွမ်းလိုက်သလိုမျိုး..။
“ ဟိုရောက်ရင်ပင်ပန်းမယ်နော် ကိုထွေး၊ ကျွန်တော်နဲ့ အတူ ပန်းရံလုပ်ရမှာ၊ တစ်လလောက်လုပ်ပြီးရင်၊
တစ်ခြားနေရာ ပြောင်းမယ်၊ တစ်လအတွင်းမှာ ပန်းရံအချောကိုင်တတ်အောင်သင်ပေါ့ ၊ နောက်လိုက်လုပ်ရတာ
ဝင်ငွေနည်းတယ်ဗျ ”
“ ဘန်ကောက်မှာပဲလား ”
“ ဟုတ်တယ်၊ ဟိုရောက်ရင်ကိုထွေးပျော်မှာပါ ”
သူ့ စကားအဆုံးမှာ ကံဘောက်ရွာမှ အဒေါ်မှာလိုက်သည်ကို ကြားယောင်မိသည်။
ဆေးလိပ်တစ်လိပ်ကို မြန်မာငွေဘယ်လောက်၊ ရေတစ်ဘူးကို ဘယ်လောက်၊ ဘာလုပ်လုပ် မြန်မာငွေနဲ့ 
စဉ်းစားပါဟု မှာလိုက်သည်။ အကြာကြီးမနေရ၊ ငွေစုမိလျှင် မြန်မြန်ပြန်လာရန်... ပြီးတော့  မိန်းမယူရန်။
“ စိတ်ချပါ ” ဟု ကတိရဲရဲကြီးပေးခဲ့ သည်။ အဒေါ့် စကားကို လိုက်နာသည်ထက် ရည်းစားလေးနှင့် ပေါင်းနိုင်ဖို့ 
အရေးက ပိုပါသည်။

.......................................................................................................................

( ဆက်ရန် )








7 comments:

Beauty Studio USA Branded Store said...

ကိုကျော်ရေ ဇာတ်လမ်းကတော့ စိတ်ဝင်စားစရာပဲ။ ထားဝယ်နားက ကံဘောက်က ခံထမ်းသမားတွေရဲ့ဘဝအထွေထွေ ဇာတ်လမ်းပဲညီ။ ဆက်ရန်စောင့်နေမယ်လေ။
တောထဲဝင်တယ်ဆိုလို့ အတွေးနှစ်မျိုးဖြစ်သွားတာ။
တစ်ခုက လူဝတ်ချွတ်သွားတာလား၊ နောက်တစ်ခုက တောခိုတာလားပေါ့။ဘာညာ သို့လောသို့လောနဲ့ ဇာတ်လမ်းကောင်းလေး ဖြစ်နေလေရဲ့။ ကျေးဇူးပါကိုကျော်ရေ။

sosegado said...

မဖတ်ရသေးပါဘူး၊ စောင့်ပြီးဖတ်ပါမယ်၊

SHWE ZIN U said...

အဖြူလေး ရေ

ဖတ်သွားတယ် ကျေးဇူးဘဲ ဖတ်ပြီးသားလည်း ပြန်ဖတ်တယ် မေ့နေလို့

ခင်မင်စွာဖြင့်
ရွှေစင်ဦး

ချော(အစိမ်းရောင်လွင်ပြင်) said...

ကိုယ်တွေ့ အဖြစ်အပျက်လေးများလား မသိဘူးနော်.. ဒီဝတ္ထုကို ရေးထားတာ ကိုယ်တိုင်ခံစားပြီး ရေးထားသလိုဘဲ.. ပြန်လည်မျှဝေပေးတာ ကျေးဇူးကိုအဖြူလေး...
စောင့်ပြီးဖတ်ပါမယ်... စိတ်ဝင်စားဖို့ကောင်းတယ်.. ရှဲ့ရှဲ

ကိုဇော် said...

တောင်လုံးပြန် နဲ့ ရေးတဲ့ သူတို့ သူငယ်ချင်း ၃ ယောက် ရှိတယ် ဆိုလား ဖတ်ဖူးတယ်။ သူကတော့ လက်စောင်း အထက်ဆုံးပေါ့။
စောင့်ဖတ်နေတယ်ဗျို့။

အင်္ဂါဟူး said...

သွက်သွက်မြန်မြန် ဆက်ရေးရန်..
ဖတ်ရန်အသင့် ရှိပါ၏

အုပ်ကြီး said...

တောသို့ ဝင်သည့်နေ့ ဆိုလို့  ..
အဖြူလေးကိုယ်တိုင် တောထွက်
ကိလေသာကို
တိုက်မယ်ထင်နေတာ ..(တကယ်ပြောတာပါ)
မဖတ်ဖူးသေးဘူးဗျ..အခုလို ပြန်ရှယ်တာ ကျေးဇူးပါပဲ