Sunday, April 17, 2011

ORCHARD MRT, ASCANDA SCHOOL

ORCHARDS ဘူတာရုံမှာ မြေအောက်ဘူတာရုံ ဖြစ်သည်။ ဝင်ထွက်သွားလာကြသည့်  ခရီးသည်အများစုမှာ
ကုန်တိုက်ကြီးများမှ ဝန်ထမ်းများ၊ ကုမ္ပဏီဝန်ထမ်းများ၊ ရှော့ ပင် ထွက်လာကြသူများ၊ ကျောင်းသူ ကျောင်းသား
များဖြင့် အတော်ပင် စည်ကား ဖွံ့ ဖြိုးသော ဘူတာရုံ ဖြစ်သည်။

ကျွန်တော်တို့  သင်တန်းလွှတ်လျှင် ဘူတာရုံရှိရာ အထပ်သို့  ဆင်းလာပြီး မက်ဘာဂါဆိုင်တွင် အာလူးကြော်
စားကြသည်။ ကော်ဖီသောက်ကြသည်။ တစစ်ယောက် သုံးဒေါ်လာရှိလျှင် စားနိုင်ပြီကိုး။ ထွန်းလင်းအောင်က
ထမင်းဂျိုင့်  ယူလာတတ်သေးသည်။ အောင်ကိုကိုကတော့  မိဘချမ်းသာသည်မို့  သုံးနိုင် ဖြုန်းနိုင်သည်။ တရုပ်မ
က အမြဲတန်း ကပ်တီးနေကျ။ သူ ဘယ်တော့ မှ ပိုက်ဆံ မထုတ်။ ထုတ်စရာလည်း မလို။ ကျွန်တော် တစ်လှည့် 
ထွန်းလင်းအောင် တစ်လှည့် ၊ အောင်ကိုကို တလှည့်ကျွေးကြသည်။ မိန်းခလေးက သူ တစ်ယောက်တည်းမို့ 
တော်တော် အနိုင်ကျင့် တတ်၏။ ကိစ္စမရှိ။ သူက ဟန်ပန်မူရာ ကောင်းသည်။ မြူဆွယ်ရယ်မောတတ်သည်။
သူနှင့်  တွေ့ လျှင် ကျွန်တော်တို့  ပျော်ပြီး သူအနိုင်ကျင့် တာကို ခံယူကြသည်။ ရပ်ဝေး ပြည်ကြားမှာ ဆိုတော့ 
တစ်ခဏတာ တွေ့ ကြစဉ်အတွင်း ချစ်ချစ်ခင်ခင် နေကြဖို့  ဆရာမက ဆုံးမပါ၏။

ကျွန်တော် လက်ကိုင်ဖုန်း စ, ကိုင်သည့် နေ့ က ဆရာမက ခေါ်၍ ဆုံးမသည်။
ကျောင်းသားတစ်ယောက်အနေဖြင့်  ဖုန်းကိုင်လျှင် ငွေကုန်ကြေးကျ များကြောင်း၊ တာဝန်ကြီးကြောင်း၊ မလိုအပ်
လျှင် မကိုင်စေချင်ကြောင်း ရှင်းပြ၏။ ဆရာမ ပြောတာ မှန်သည်။ ကျွန်တော့် အစ်ကိုက လက်ကိုင်ဖုန်း ဝယ်ပေး
ခြင်းမှာ ကျွန်တော် လျှောက်သွားနေလျှင် ဆက်သွယ်နိုင်ရန်ဖြစ်သည်။ ပြီးတော့  ဖုန်းမှာလည်း မြန်မာများ ဝယ်
ကိုင်ခွင့် မရှိသေး။ မလေးရှားလူမျိုး တစ်ယောက်က တစ်ဆင့်  ရောင်းလာ၍ ဝယ်လိုက်ခြင်းပင်။ ဖုန်းခကိုတော့ 
သူ့ နာမည်ဖြင့်ပင် လာသည်။ လစဉ် ဖုန်းခ ဆောင်ပေးလိုက်လျှင် ဘာပြဿနာမှ မရှိ။ ကျွန်တော်ကလည်း
ဖုန်းကိုင်ရမည်ဆိုတော့  အတော်ပင်ဘဝင်မြင့် မိသည်။

ထိုစဉ်က စင်္ကာပူတွင် လက်ကိုင်ဖုန်းကိုင်နိုင်သော မြန်မာလူမျိုး များများမရှိ။
ကျွန်တော်တို့  အထဲတွင် ကျွန်တော် ပထမဆုံး ဖြစ်သည်။ ပေဂျာ ကိုတော့  ဆောင်ကြပါသည်။ ပေဂျာဖြင့်ပင်
အဆက်အသွယ် များကြ၏။ ဖုန်းခမှာ တစ်မိနစ်လျှင် ဆင့် ၂၀ ကျသည်။ လစဉ်ကြေး ရှိသည်။ တစ်လလျှင်
ဒေါ်လာတစ်ရာ အနည်းဆုံး ကုန်ကျပါသည်။ ထို့ ကြောင့်  မည်သူမျှ မကိုင်ကြပါ။

ORCHARDS လို ဒေသမျိုးမှာ ကျောင်းတက်ရင်း ဟန်းဖုန်းကိုင်ထားရသည်ကို ကျွန်တော် ဘဝင်ခိုက်နေသည်
မို့ ကျောင်းတက်လျှင် ဖုန်းကို ပိတ်၍ ကျောပိုးအိပ်ထဲ အသာဝှက်ထားရသည်။ ဒါကိုပင် တရုပ်မက နှိုက်ပြီး
ဆရာမကို သွားတိုင်တတ်ပြန်သည်။ နောက်တော့  ဆရာမလည်း ဘာမှ မပြောတော့ ။

ကျောင်းတက်ရသော ကိုးလတာ ကာလအတွင်း ကျောင်းမှာ မွေးနေ့ ပွဲလေးတွေ လုပ်ဖြစ်ကြသည်။ တွေ့ ဆုံပွဲ
လုပ်ဖြစ်ကြသည်။ စကားပြောပွဲ လုပ်ဖြစ်ကြသည်။ နှုတ်ဆက်ပွဲ လုပ်ဖြစ်ကြသည်။ ထို့ နောက် ကျွန်တော်ထွက်
သွားပြီး ငါးလ အကြာတွင် ကျောင်းလည်း ပိတ်သွားခဲ့သည်။ အစိုးရမှ လိုင်စင် ချမပေးတော့ ဟု သိရ၏။ ကျောင်း
တော်တော်များများ ပိတ်ကြရသည်။

ကျွန်တော်တို့  တက်သော ကျောင်းလေးများမှာ များသောအားဖြင့်  အာမခံငွေ ဒေါ်လာထောင့် ငါးရာ တင်သွင်း
ပြီး ကျောင်းခေါ်ချိန် အပြည့် ယူ၍ ကျောင်းသားဗီဇာဖြင့် နေရင်း အလုပ်လုပ်ကြသူတွေ များလာသောကြောင့် 
ဖြစ်သည်။ ကျောင်းတကယ် တက်လို၍မဟုတ်ပဲ ကျောင်းဗီဇာဖြင့် နေပြီး အလုပ်လုပ်လိုခြင်း ဖြစ်၏။ နောက်ပိုင်း
တွင် အာမခံငွေ ဒေါ်လာငါးထောင် ဖြစ်သွားသည့် အပြင် ကျောင်းများကိုလည်း လ.ဝ.က မှ စနစ်တကျ စစ်လာ
သဖြင့်  ကျောင်းလိုင်စင်များ မလွယ်ကူတော့ ပေ။

ကျောင်းထွက်ခဲ့ ပြီးသော်လည်း အားလပ်ရက်တွင် ကျွန်တော် ကျောင်းသို့  မကြာခဏ ရောက်ပါသေးသည်။
ဆရာမက သင်တန်းပြီးချိန်တွင် ကျွန်တော်တို့ နှင့် ဆုံပြီး စကားပြောကြသည်။ အလုပ်အကိုင် ကိစ္စများ ပြောကြ
သည်။ အဖမ်းအဆီး ထူပြောလာသဖြင့် သတိဝီရိယ ရှိဖို့  သတိပေးသည်။ တရုပ်မတို့ ကို တခြား အဆင့်မြင့် 
ကျောင်းများသို့  ပြောင်းတက်ဖို့  စီစဉ်ပေးသည်။ သို့ ရာတွင် အာမခံငွေ ဒေါ်လာငါးထောင်ဆိုတော့  တော်တော်
စဉ်းစားနေကြရပြီ။

ကျွန်တော့်အဖို့ တော့  ကျောင်းမတက်ရတော့ သဖြင့် အလုပ်ချိန်ပိုဆင်းခွင့်ရသည်။ ငွေကိုတော့  ဟုတ်တိ
ပတ်တိ မစုဆောင်းမိ။ အစ်ကိုကတော့  ပုဇွန်တောင်အိမ်မှ လူငှားများကို စပေါ် ပြန်အမ်းပြီး အဖေတို့ ကို ပြန်
ပြောင်းရွှေ့ လာစေသည်။ ကားတစ်စီး လှမ်းဝယ်ထားသည်။ စင်္ကာပူမှာ အိမ်ခန်းတွေ စုပေါင်းငှားရမ်းကာ ဖွင့်ထား
သည်။ လူတစ်ဦး ဒေါ်လာတစ်ရာ့ ငါးဆယ်ဖြင့်  ပြန်အငှားထား၏။ ထိုဝင်ငွေက မဆိ်ုး။ အိမ်တစ်လုံးမှ နှစ်လုံး၊ ထိုမှ
သုံးလုံး၊ ပြီးတော့  လေးလုံး၊ ငါးလုံးအထိ ကျယ်ပြန့် လာခဲ့ သည်။

တစ်လ ထောင့် ငါးရာ ပေးရသော အိမ်ခန်းတွင် လူနှစ်ဆယ်နီးပါး တင်ထားနိုင်သည်မို့  အိမ်ခန်းဖွင့်စားသည့် 
စီးပွားရေးသည် ဟန်ကျခဲ့ ပါသည်။ ပထမ ကျွန်တော် ရီရှင်းတွင်နေသည်။ နောက်တော့  “ မက်ပါဆမ်” သို့ 
ရွှေ့ ပြီး အစ်ကို့ သူငယ်ချင်းနှင့်  စပ်တူ အိမ်ခန်းဖွင့် သည်။ နောက်ပိုင်းတွင် အောင်စိုးနိုင်တို့  ညီအကိုပါ အိမ်ခန်း
ငှားဖွင့် ရင်း ပြန်လက်တွဲလာမိကြသည်။

ဝင်ငွေ ကောင်းသူများက အားလပ်ရက်တွင် အိမ်မှာ ဖဲဝိုင်းထောင်ကြပြန်သည်။ ထိုဝိုင်းများ၏ ငွေအင်အားက
လည်းမသေး။ တစ်ဝိုင်းလုံး သိမ်းမိလျှင် ဒေါ်လာတစ်ထောင်နီးပါး နိုင်ကြသည်။ ရှုံးသူမှာတော့  အလုပ်ခွင်သို့ 
မျောက်မှိုင်ကျကာ သွားရသည်။ တစ်အိမ်တည်းနှင့် အားမရသောအခါ ဟိုအိမ် သည်အိမ် ဖုန်းဆက်၍ ချိန်းဝိုင်း
လုပ်ကြ၏။ တစ်တရံ ဒေါ်လာသုံးထောင်ကျော် ဝိုင်းကြီး ဖြစ်သွားတတ်သည်။ ဖဲဝိုင်းအတွက်ဆိုလျှင် ငွေကို မရရ
အောင် ရှာနိုင်ကြသည့်  ဓမ္မတာမို့  သူ ရှုံးတစ်ခါ၊ ငါနိုင်တလှည့်ဖြင့်  အပတ်စဉ် ဖဲဝိုင်းသံသယာလည်နေကြပြန်၏။

တစ်ချီမှာတော့  ငွေရှစ်ရာနီးပါး ကျွန်တော် ရှုံးသွားသည်။ အစ်ကိုက လာပြန်ရိုက်ပေးတော့ မှ ပြန်ရတော့ သည်။
ထို့ နောက်ပိုင်း ကျွန်တော်ဖဲဝိုင်းနား မကပ်တော့ ။ လူလို၍ အိမ်ပြည့် ခေါ်မှ ငွေငါးဆယ်လောက်နှင့်  ဝင်ပွတ်၏။
ရှုံးလျှင် ထိုးအိပ်ပြီး နိုင်လျှင် ပျော်ပစ်လိုက်သည်။ နောက်တော့  ကျွန်တော်လို ဘိုင်ပွတ်သူကို မခေါ်ကြတော့ ။
ကျွန်တော်လည်း ဖဲဆက်ဖြတ်လိုက်တော့ သည်။

ORCHARD ဘူတာရုံ ဝန်းကျင်တွင် ကျောင်းသွားတက်ခဲ့ ဘူးသည့်အတွက် ဝတ်စားဆင်ယင်မှုအပိုင်းနှင့် လူနေ
မှု စိတ်ဓါတ်များ တိုးမြင့်လာခဲ့ သည်ကိုတော့  ကျွန်တော် ဝန်ခံပါသည်။ လူမရွံ့ တော့ ။ ဝတ်တတ် စားတတ်လာ
သည်။ ထိုဝန်းကျင်မှ လှုပ်လျှားသွားလာနေသူများ၏ ဝတ်စားဆင်ယင်ပုံများကို လိုက်အတုခိုးရင်း သုံးထည်
တစ်ဆယ်နှင့် ဝယ်ဝတ်သော အဝတ်အစားတန်းမှသည် တစ်ထည်လျှင် ဒေါ်လာနှစ်ဆယ်ကျော် ပေးရသော
U2, G2000 တို့ လို ဆိုင်များကို ပိုအသားကျလာသည်။ ဒေါက်တာ မာတင်ရှုးဖိနပ်မျိုးကို မက်မောလာသည်။
မက်ဘာဂါဆိုင်မျိုးကို သဘောကျလာသည်။ ရုံတင်ကားကို ဦးဦးဖျားဖျား ကြည့်ချင်လာသည်။ နားကြပ်ဖြင့် သီချင်း နားထောင်ရင်း ကား၊ ရထား စီးကျင့်ရလာသည်။ ထိုအမူအကျင့်များ ကြားတွင် ဝင်ရောက်ကျင်လည်ရင်း
ပျော်ရွှင်နေသလားဟု သုံးသပ်မိလျှင်တော့  မပျော်ရွှင်ဟုသာ အဖြေရလာသည်။

ကျွန်တော့်ဘဝ ကြမ်းတမ်းခဲ့ လေသည်။
အသက်ဆယ့်ရှစ်နှစ်တွင် အထက်အညာ၌ ထန်းရည် ဆိုင်းထမ်းဖြင့်  လိုက်လံ ရောင်းချခဲ့ ဖူးသည်။ ထိုစဉ်က
သာစည်မြို့ တွင် ရထားတွဲနှစ်တွဲကြားမှ ဆိုင်းထမ်းကို ထိန်း၊ လူက ယိမ်းရင်း သက်စွန့် ဆံဖျား သွား၍ ငွေရှာခဲ့ 
ဖူးသည်။ နောက်တော့  တောင်ကြီးမြို့ ကို ထန်းရည် မှောင်ခို သွင်းသည်။ ဒိုင်က ငွေပေးသည်မှာ ကြန့် ကြာ၍
တစ်ကြောင်း၊ ဈေးနှိမ်၍ တစ်ကြောင်းကြောင့်  ဈေးထဲတွင် ကိုယ်တိုင်လိုက်ရောင်းသည်။ ရေနံဆီတန်းမှ အသိ
မိတ်ဆွေများက ဝိုင်းဝန်း ရောင်းချပေးကြသည်။
ထိုအလုပ်များမှတစ်ဆင့် ဆန်ရောင်းသမား၊ ရာသီကုန် သီးနှံသမား၊ ကြက်သွန်နီ လှောင်သည့်  ကုန်သည်၊ မန်
ကျီးသီး ကုန်သည်တို့  လုပ်ခဲ့ သည်။ နောက်တော့  ထိုင်းနိုင်ငံသို့  ခိုးထွက်ခဲ့ သည်မို့  စင်္ကာပူ ရောက်ချိန်တွင်
တမေ့ တမော ဘဝကို ပြောင်းလဲနေမိသည်။

ဆင်းရဲသည် ဆိုသည့် သံရိပ်သံဖမ်းစကားသည် ကျွန်တော့် နောက်နားတွင် ကျန်ရစ်ခဲ့ သည်မှာ မကြာသေး။
ဘဝကို ရုန်းကန်ခဲ့ ရသည့်ကာလများအတွင်း ထောင်၊ အချုပ်၊ ရဲစခန်းများကို ခေတ္တအပန်းဖြေစရာ နေရာများ
အဖြစ် သတ်မှတ်ခဲ့ ရသည်။ ယခုရော .. ဘာများပြည့်စုံနေပါသေးသနည်း။ နေ့ စဉ် ဆယ့်နှစ်နာရီ အလုပ်ခွင်ဝင်
နေရသည်။ မီးအပူတွေကြားတွင် အင်္ကျင်္ီဖြူကြီးဝတ်၊ ခေါင်းမှာ စက္ကူ ဦးထုပ်ကြီး ဆောင်းပြီး မီးဖိုချောင် လုပ်ငန်း
များနှင့် လုံးပန်းနေရသည်။ ရသည့် ငွေကြေးမှာ စွန့် ရက်စရာ မရှိသည်မို့  အခြေအနေ ဟန်လာသည် ဆိုသော်
ငြား အခြေခံ အလုပ်သမားဘဝသာ ရှိသေး၏။ ထိုအထဲမှပင် ကျွန်တော်က ကျွန်တော့် မူဝါဒကို တိုး၍ နှစ်မြုပ်
အားခဲလိုက်မိသည်။

ဆင်းရဲတာ ကုန်လျှင် ချမ်းသာမည်။
ဤအယူဝါဒအရ အလုပ်ကို လောဘတကြီး ကျွန်တော် လုပ်ပစ်သည်။ ဝဋ်ကြွေးရှိသမျှ မကုန်မချင်း လုပ်ပစ်မည်
ဟု တွေးကာ နေ့ ည မအား လုပ်ပစ်သည်။ ကျွန်တော့် တွင် စည်းစိမ်သည်ကား အဝတ်အစားကောင်းကောင်း
ဝယ်ခြင်း၊ ရုပ်ရှင်ကြည့် ခြင်း၊ စာဖတ်ခြင်းသာ ရှိ၏။ ဤနှီးနှောဖလှယ်ပွဲကိုလည်း ရာသီစာအဖြစ်သာ ကျွန်တော်
တွက်ဆထားပြီးသား ဖြစ်သည်။

သူကတော့  မိန်းမသားတို့ ၏ သိက္ခာကို ဆယ်ယူရန် အချစ်ဆိုသော ဝေါဟာရကို အားကိုးတကြီး သုံးစွဲပါသည်။
ကျွန်တော်ကလည်း အလိုက်အထိုက် မိန်းမောနေလိုက်၏။ သူနှင့် ကျွန်တော့် အကြားတွင် ငွေကြေးမရှိ။ တာဝန်
မရှိ။ မာနမရှိ။ အနာဂတ်မရှိ။ ရင်ထဲမှာပင် သိပ်မရှိကြ။ ကျွန်တော့် ပင်ကိုဝါဒတစ်ခုကလည်း ရုံတန်းသို့  သွား၍
ကြေးစားများနှင့်  ပျော်ပါးရသည်ကို ဘယ်တော့ မှ လုပ်ရိုးလုပ်စဉ်ဟု မယူဆ။ ကျွန်တော် ဖြတ်သန်းလာရာ ဘဝ
တလျှောက်တွင် မည်သည့် မိန်းခလေးကိုမှ ငွေကြေးနှင့်  ပျော်ပါးခဲ့ ခြင်း မရှိ။ အချစ်နှော၍ ပျော်ပါးခဲ့ ခြင်းသာ
ရှိသည်။

တစ်နေ့ နေ့  တစ်ချိန်ချိန်တွင် ကျွန်တော့်မှာ သားသမီး ရှိလာသည့် အခါ ထိုသားသမီးတို့ ကို ရဲရဲတင်းတင်းကြီး
ကျွန်တော်ပေးနိုင်မည့်  ကတိသည် ကျွန်တော် မည်သည့် အခါမှ ကြေးစားများနှင့်  မပျော်ပါးခဲ့ ဘူးသည့်  ကတိ
ဖြစ်သည်။ ထိုကတိကို ကျွန်တော်ပေးချင်သည်။ ထိုအယူဝါဒနှင့် ပင် ကြေးစားကို ကျွန်တော် ရှောင်ခြင်းပင်။

အိမ်ထောင်ရေးကိုလည်း ဟုတ်တပတ်တိ ကျွန်တော် မတွေးထား။ အသက်လေးဆယ်အထိ ပျော်သလိုနေပြီး
သာသနာ့ ဘောင်သို့  ကူးပြောင်းရန်တော့  တစ်ခါတစ်ရံ တွေးမိသေးသည်။

ဘာပဲဖြစ်ဖြစ် ကျွန်တော် ကြုံတွေ့  ဖြတ်သန်းခဲ့ ရသည်များကိုတော့  ကျွန်တော် မှတ်တမ်းတင်ခဲ့ ချင်သည်။ ဒါမှ
သာလျှင် နောက်ပိုင်း၌ ကျွန်တော်ဘာကြောင့်  ပြောင်းလဲသွားသည်ကို ဖြေရှင်းနိုင်မည် ဖြစ်သည်။

မနွယ်နီတစ်ယောက် ဝပ်ပါမစ် ပြည့် သောအခါ မြန်မာပြည်မပြန်ဘဲ ကျွန်တော့် ဆီ ဆင်းချလာသည်။ သူ့ ကို
ခေါ်ပြီး ကျွန်တော့် မှာ ရှောင်တိမ်းရပါတော့ ၏။ အစ်ကိုက သဘောမကျ။ သူ့ ကို မြန်မြန် အလုပ်ရှာပေးပြီး
ခပ်မြန်မြန် ဇာတ်သိမ်းစေချင်သည်။ ထို့ ကြောင့်  “ ပါရာလေဘာ ” အိမ်သို့  ပို့ ပြီး သီးသန့် အလုပ်ရှာပေးသည်။
နောက်တော့  ထိုအိမ်ခန်းမှ ချာတိတ်လေးနှင့်  နေလိုက်ကြသည်။ သူတို့  အတူတူ မနေခင် ကျွန်တော့် သဘော
ထားကို လာမေးပါသည်။ ကျွန်တော့် မှာ ထိုကိစ္စလောက်အတွက် မတုန်လှုပ်တော့ ပြီ။ ပြီးတော့  ကျွန်တော်လည်း
တရုပ်မနှင့်  ပို၍ အကျွမ်းဝင်နေပြီမို့  သူတို့ ကို သဘောတူပေးခဲ့ သည်။ မနွယ်နီက သူ့ ကို အကူအညီ ပေးဖို့ ၊
အခင်အမင်မပျက်ဖို့  တစာစာ တောင်းဆိုပါ၏။ ကျွန်တော့် ဘက်ကလည်း ကူညီပါမည့် အကြောင်း ကတိပေး
ခဲ့ ပါ၏။

ကျွန်တော့် ဘဝတွင် လက်တွဲလာသူများ၊ မိတ်ဆွေများနှင့်  ကွေကွင်းခြင်းသည် ဖန်တစ်ရာ ထေခဲ့ ပြီးလေပြီ။
အချစ် ဆိုတာတွေ၊ အမုန်း ဆိုတာတွေ၊ ကျေးဇူးတရား ဆိုတာတွေ ကျွန်တော် နားခါးလှသည်။ အယုံအကြည်လဲ
မရှိ။ ဖိုင့် ကိုတော့  သီးသန့် ဖြစ်သည်။

ဖိုင်သည် ကျွန်တော်နှင့်  ပတ်သက်၍ ဝမ်းသာလွန်းခြင်းမရှိ၊ ဝမ်းနည်းလွန်းခြင်း မရှိ၊ မက်မောလွန်းခြင်း မရှိ၊
နှောင်ဖွဲ့ လွန်းခြင်း မရှိ။ သူ မည်သို့ မည်ပုံ ကျွန်တော့် ကို ချစ်မှန်းမသိပေမယ့်  သူ့ ရင်ထဲမှာ ကျွန်တော် အမြဲ ရှိ
နေမည်။ အတ္တလွန်ကဲနေသော ခြေသလုံးအိမ်တိုင်သမား တစ်ဦးမျှသာ ဖြစ်သည့် တိုင် သူချစ်နိုင်သမျှ တစ်သက်
စာအတွက် မပျက်မကွက် ချစ်နေပေးခဲ့ သည်။ ထို့ ကြောင့် ပင် ကျွန်တော့် ကို သူ မကျေမနပ် မရှိ၊ မပေါက်ကွဲ၊
မမျှော်လင့် ။ ကျွန်တော် ချစ်ပေးသမျှပင် အမြတ်ဟု ယူဆထားရှာသည်။ သူ့ ဝန်းကျင်ကျဉ်းကျဉ်းလေးတွင် ဝပ်ရင်း ကျွန်တော့် ကို မျှော်နေခဲ့ ၏။

ထို့ ကြောင့် ပင် စင်္ကာပူမှာ ကျွန်တော် ထင်ရာစိုင်းနေသည့်တိုင် ပုံရိပ်သေးသေးလေးဖြင့် ကျွန်တော့် နှလုံးသား
ဗဟိုကျကျတွင် မိဖုရားဖိုင် အပိုင် နန်းတည်ထားခြင်းပင်။ အဆောင်အယောင်လည်းမရှိ၊ အခန်းအနားလည်း
မပြည့် ဝသည့်တိုင် ဖိုင်၏ နန်းပလ္လင်သည် ကျွန်တော့် ရင်၌ မြဲမြဲခိုင်မာနေသည်။ တစ်သက်စာပင် ဖြစ်တော့ မည်။

ထိုနန်းပလ္လင်အတွက် မိဖုရားဖိုင် ပေးဆပ်ခဲ့ ရသည်မှာတော့  နည်းသည့်  တန်ဖိုးမဟုတ်။ အဆွေအမျိုး၊ အမိအဖ၊ မောင်နှမ၊ မိတ်ဆွေ သူငယ်ချင်းများနှင့် တကွ တိုင်းပြည်လူမျိုးနှင့် ချီ၍ ကန့် ကွက်ခံရမည့်  ကြားမှပင် သူ့ နန်း
ပလ္လင်ကို သူတည်ခဲ့ ၏။ ကျွန်တော် မည်သို့  ဖျက်ဆီးဝံ့ ပါမည်နည်း။ မည်သူကရော ဖျက်ဆီးဝံ့ ပါမည်နည်း။

လှသော၊ ရွှင်သော၊ တက်ကြွသော၊ ပရိယာယ်ကြွယ်သော၊ ရမ္မက်နှင့်  ပြည့် စုံသော မိန်းမချော၊ မိန်းမလှများနှင့် 
တွေ့ လျှင် ကျွန်တော် ယိုင်ပါသည်။ ပျော်မွေ့ ပါသည်။ သို့ ရာတွင် ထိုမိန်းမချောများ ကျွန်တော့် နှလုံးဗဟိုသို့ 
တိုးဝင်မနေနိုင်ခြင်းမှာ ဆန်းလှ၏။ နှလုံးဗဟို၏ ပြင်ပဝန်းကျင်မှာတော့  ရက်၊ လ၊ နှစ် တိုင်အောင် နေနိုင်ကြ၏။
ဖိုင့် လို ကျွန်တော့်နှလုံးဗဟိုကျကျသို့  မဝင်ရောက်နိုင်ကြ။

သည်အဖြစ်ကို ၉၇ ခုနှစ်တွင် ကျွန်တော် သိလိုက်ရသည်။
အချော၊ အလှ၊ အယဉ်အသိမ့်  အနွဲ့ အနှောင်းနှင့်  ပြည့် စုံသော မိန်းခလေးတစ်ချို့ နှင့် ရယ်မောပျော်ရွှင်စွာ
ကျွန်တော် ဆုံတွေ့ ပြီးချိန်တွင် ကျွန်တော့်နှလုံးသားသည် ဖိုင်မှတစ်ပါး မည်သူ့ ကိုမှ လက်မခံ။ ဖိုင့်ကို ကျွန်တော်
လွမ်းတတ်လာသည်။

စင်္ကာပူသည် ဝင်ငွေမှတစ်ပါး ဘာမှ ပျော်စရာမရှိ။
စီကာစဉ်ကာ ပူရသည့် အရပ်ဒေသဟု သင်္ဘောသားကြီးက ပြောလိုက်သည်မှာ ကြာလေ မှန်လေ ဖြစ်ပါတော့ 
သည်။ အဝင်မှာ အဝင်မခံရသည့် အပူ၊ ဝင်လာပြန်တော့  အလုပ်မရမည့်အပူ၊ အလုပ်ရပြန်တော့  မြဲမြဲလုပ်ခွင့်
မရမည့်အပူ၊ အလုပ်ရတော့  ရဲမဖမ်းမိစေဖို့ အပူ၊ အိမ်မှာ နေရင်းလည်း ရဲလာမှာ ပူရသည့်အပူ တို့ ဖြစ်သည်။
တကယ်ပင် စီကာစဉ်ကာပူရသည့်  စင်္ကာပူပါပေ။ တရားမဝင်အလုပ်သမားဘဝကို ကျင်လည်ရင်း စိတ်ဖြေသာ
သလို နေထိုင် ကျက်စားရင်း ဘန်ကောက်ကို ကျွန်တော် လွမ်းလွမ်းမိလာသည်။

ဘန်ကောက်သည်ကား ကျွန်တော့်  မြို့ တော်လို ဖြစ်ခဲ့ သည်ကိုး။
ဘန်ကောက်မှာ နေစဉ်က ပိုက်ဆံမရှိလည်း ပျော်သည်။ ပိုက်ဆံ ရှိလည်း ပျော်သည်။ ဘဝ မျှော်မှန်းချက်တွေ၊
ပန်းတိုင်တွေ၊ စိတ်ကူးစိတ်သန်းတွေ နေ့ စဉ် ဆန်းသစ်နေသည်။ လူက မွဲနေသည့် တိုင် မာနတရားနှင့်  မြင့် မြတ်
နေရမည်။ ထက်မြက်ရမည်ဟု ကောင်းကင်ကို ခပ်ရဲရဲကြည့် ကာ ကြိမ်းဝါးခဲ့ သည်။ အဖမ်းခံရလျှင်ပင် နားအေး
ပါးအေး စဉ်းစားတွေးခေါ်ချိန်ရ၍ စိတ်ဓါတ်အင်အား ပို၍တောင့် တင်းခဲ့ သည်။ ကျွန်တော့် ကိုယ် ကျွန်တော်
အင်မတန် ရိုသေလေးစားစိတ် ဖြစ်ခဲ့ ရသည်။

စင်္ကာပူမှာတော့  ဤသို့ မဟုတ်။
ငွေမှ ငွေ၊ ပစ္စည်း အဆောင်အယောင်မှ ပစ္စည်းအဆောင်အယောင်၊ ပကာသနမှ ပကာသန၊ ဆင့် ကာဆင့်ကာ
တိုးကာတိုးကာဖြင့် အထိအတွေ့  စည်းကမ်းကလနားလည်း ပျက်ခဲ့ ပြီ။ ကိုယ့် ကိုယ်ကိုလည်း မရိုသေတော့ ။
ကိုယ့် မာနဖြင့်  လောကကို ရဲရဲ မကြည့် ရဲတော့ ။ ဤကား အထိအနာဆုံးပင်။

ငယ်စဉ်ဘဝမှစ၍ စင်္ကာပူရောက်သည်အထိ ရိုးသားဖြောင့် မတ်ခြင်းကို မာနနှင့်  တရိပ်ရိပ်သွေးခဲ့ သော
ကျွန်တော်တစ်ယောက် အရောင်ဆိုးခြင်း ခံရပါလေပြီ။ မည်သူမှ လာဆိုးသည်မဟုတ်။ ကိုယ့် ဖာသာဆိုးခြင်းပင်။
ထိုအဖြစ်ဆိုးမှ ရုန်းထွက်လိုသောအခါ ကျွန်တော့် ရင်ထဲမှ ဖိုင်သည် ဝမ်းသာအားရ ထိုးဖောက်လာခဲ့ သည်။
ဖိုင်နှင့်  ဆိုလျှင် ကျွန်တော် ရိုးသားနိုင်သည်။ ဖိုင်သည် ပကာသနကို မမက်။ အထက်လွှာကို လန့် သည်။ ငွေကို
အငမ်းမရ မဟုတ်။ ကျွန်တော်သာ ဖိုင်နှင့် အတူနေနိုင်လျှင် ဤအရောင်ဆိုးထားသော မောင်ထွေးဘဝမှ
လွတ်မည်ထင်ပါ၏။


( ဆက်ရန် )

........................................................................................................................

မှတ်ချက် ။ ။ ဆရာမာန် ( တောင်လုံးပြန် ) ၏ ဝတ္ထု ဖြစ်ပါသည်။





6 comments:

AMK said...

ကျေးဇူးအကို ဆက်အုံးနော် ပျော်စရာ နှစ်သစ်ဖြစ်ပါစေဗျာ

kiki said...

စီကာစဉ်ကာ ပူနေရအုံးမဲ့ စကာင်္ပူမှ ကိုထွေးတယောက်..
ဆင်းရဲတာပျောက်ပြီး ချမ်းသာရာ ဘယ်တော့မှရောက်ပါ့မလည်းးးးး နော်..

( စလုံးသင်္ကြန်အကြောင်းရော.. ရေးစရာ ရှိပါသေးလားးး )
ဆက်ရန် ကို မျှော်နေပါသည်။။
နှစ်သစ်မှာ မင်္ဂလာ အဖြာဖြာ ပြည့်စုံပါစေ ကိုကျော် ရေ..

ခင်တဲ့
မကိ..

အင်္ဂါဟူး said...

အင်း...ဆက်ရန်ဆိုတော့လဲ ထပ်မျှော်ရပြန်သပေါ့.. အရင်အဟောင်းတွေတောင် အကြွေးမကျေသေးဘူး ဟီးဟီး။

နှစ်သစ်မင်္ဂလာပါ ခင်ဗျာ.... ။ ပျော်ရွှင်ချမ်းမြေ့ပါစေ ကို အဖြေးလူ

Anonymous said...

အဖြူလေး ရေ

ဖတ်သွားပြီ ကျေးဇူးပါ
မင်္ဂလာနှစ်သစ်ပါနော်

ခင်မင်စွာဖြင့်
ရွှေစင်ဦး

sosegado said...

စလုံးရဲ့ စောစောကာလတွေကို စာရေးဆရာကတင်ပြသွားတာ လေးစားမိပါသည်၊

လရိပ်အိမ် said...

လာဖတ်သွားတယ်။ စင်ကာပူထိတောင်ရောက်သွားပြီကိုး။ မလာတာကြာပြီ။