Monday, November 30, 2009

ကျွန်တော် ရေနံ အလုပ်သမား ဘဝ ( ၅)

အစတစ်ခု ရဲ့  အဆုံးလေး
..................................


ကားလမ်း တစ်ဖက်ရှိ ဝါးရုံ တောကြီး ဆီ လယ်ကွင်းပြင်တလျှောက် ဖြတ်သန်း တိုက်ခတ်လာနေသော လေ
ပြင်းတို့  အတင်းတိုးဝင်နေသောကြောင့်  တဝေါဝေါ လေတိုးသံကြီးက မနားတန်း အော်မြည်နေသော ပုစဉ်း
ရင်ကွဲ အသံ တို့ ကို ဖုံးလွှမ်းအောင်ကြိုးစား နေသလို ဖြစ်နေပါသည်။

မဟေသီက သူ့ ယိုးဒယားခြင်းတောင်းထဲမှာ အသင့် ထည့် လာသော လက်နှိပ်ဓါတ်မီး(ဒေသအခေါ်..ဒုတ်မီး) ကို
နိူက်ယူနေတော့ သည်။ ငါးကြင်းကွက်သို့ သော မီးခိုးရောင် တိမ်တိုက်တို့ က ပြူတစ်တစ် ဖြစ်နေသော လ လေး
ကို တဖြည်းဖြည်း ထပ်မံ ဖုန်းလွှမ်း လို့ လာနေပါသည်။

ကားလမ်းမကြီးနှင့်  အပြိုင် ရှေ့ တူရှု့ ရှိ လှည်းလမ်းကြောင်း အဆုံးကို ငေးကြည့်  မိနေတုံး မီးနီ ရဲရဲကလေး
တစ်ပွင့် က ရဲကနဲ ပွင့် လာလိုက်၊ ပျောက်သွားလိုက်နှင့်  တဖြည်းဖြည်း နီးလာသလို ခံစား ရမိတော့  မဟေသီက
ဒုတ်မီးကလေး ကိုင်ရင်း ကျွန်တော့်  အနား တိုးကပ်လာတော့ သည်။

ကျွန်တော်လဲ သူ့ လက်ကို ဖမ်းဆုပ်လိုက်ရင်း ကိုက်ထားသည့်  စွန်ပျံ ဆေးလိပ်ကို ထပ်ဖွာလိုက်မိပေမဲ့  မီးက
သေနေပြန်ပါသည်။

ထိုစဉ်.. အောင်လံဖက်မှ ဆင်းလာသော ကုန်ကားကြီး တစ်စီး၏ မီးရောင်နှင့်  စောစောက နေရာကိုပဲ ပြန်ကြည့် 
မိတော့ မှ နွားလှည်း တစ်စီးဖြစ်နေတာကို တွေ့ ရတော့ သည်။ လေအငြိမ်ကလေးတွင်မှ နွားလှည်း၏ ခလောက်
သံ၊ ခြူ သံ တို့ ကို တဖြည်းဖြည်းကြားလာရပါတော့ သည်။သည်တော့ မှ မဟေသီ လဲ ပြုံးတော်မူပါတော့ သည်။

တောနယ်တို့ ရှိ တချို့ သော နွား တို့ သည် ကိုင်းသိမ်း၊လည်သိမ်း ပြန်လာတိုင်း တနေကုန် နွားလိုပဲ ခိုင်းလာ
သော သူ့ သခင်က လှည်းပေါ်တွင် ပင်ပင်ပန်းပန်း အိပ်ပျော်လာတတ်သော်လည်း ရထားလမ်းတွေ၊ ကားလမ်း
တွေ ကို ဘေးကင်းစွာပဲ အလီလီ ကျော်ဖြတ်၍ အိမ်အရောက် လှည်းကို ဆွဲ ပြန်တတ်လေ့ ရှိသည်ကို ရေနံ
ဝန်ထမ်း ဘဝ နှင့် ပင် ကျွန်တော် အကြိမ်ကြိမ် တွေ့ ဘူးခဲ့ ပါသည်။

ယ္ခု တွေ့ ရသောနွားလှည်းက ဆေးလိပ်မီး တရဲရဲ ဖြစ်နေသောကြောင့်  လှည်းဆရာတော့ နိူးနိူးကြားကြား နှင့် 
မီး နီ မှား မဖြတ်ကူးမိအောင် ကိုယ်တိုင်ပဲ မောင်းလာတာ ဖြစ်မှာပေါ့ .. ဟု ပြောလိုက်တော့ မှ မှောင်ထဲမှာပဲ
ပထမဆုံး ရယ်လိုက်သော မဟေသီ့  အသံ ကို ကြားရပါတော့ သည်။

..............................................................................................................................................

ဝါး တပြန်လောက် လှည်း ရောက်လာတော့ မှ သေသေချာချာ ကြည့် ဖြစ် ပါတော့ သည်။
ပြောင်းဖူးဖက် ဆေးလိပ်ကြီးကို ပါးစောင်တွင် ကိုက်ခဲ ထားသော မြစ်နားဘို့ လယ်ရွာသား အိုပက်ကြီး အီရှောင်
ဖြစ်နေပါတော့ သည်။ သူက အောင်လံရှိ ရွှေနှင်းဆီ ပွဲရုံမှ တရုပ် သူဌေး ဦးလူဝကြီး၏ ဒုတိယ မိန်းမ မှ မွေးထား
သော မွေးချင်းထဲမှ နို့ ညှာ တစ်ယောက် ဖြစ်ပါသည်။ူ( အမေ့ နို့  ကို ဒုတိယ တစ်ယောက်မွေးလာသောကြောင့် 
မဝ ပဲ အလှည့် ပေး၍ ညှာလိုက်ရခြင်း၊ အလတ်ကောင် ပေါ့ ဗျာ။)

နို့ ညှာ တို့ က များသောအားဖြင့်  ဆိုးတာများတတ်တော့  အီရှောင် တစ်ယောက်လဲ အလယ်လွန်၊အပွေးလွန်ပြီး
ဘို့ လယ်သူလေးကို ဖခမည်းတော်ထက်ပိုချစ်လေတော့  ဖအေ တားသည့် ကြားထဲက ဘို့ လည် မှာပဲ တလည်
လည်ဖြစ်နေတာကြောင့်  သူ့ ကို သူ့ အဖေက အမွေပြတ်စွန့် လွှတ် ခဲ့ ခြင်းဖြစ်ပါ၏

အိုပက် ဟု ဘာကြောင့်  တွင်၇ပါသနည်း ဆိုသော်.. ကျွန်တော်တို့  ရေနံ အဖွဲ့ မှ ပိုလျှံ တတ်သော ဒီဇာယ်၊
ဓါတ်ဆီ များကို ရသလောက်၊နိူင်သလောက် ကောက်ယူ သိုလှောင် တတ်လို့  ဖြစ်ပါသည်။

.................................................................................................................................................

“ ဝေး... အီရှောင်... အိုပက်ကြီး..”
“ကို ရောင်းတာ... ပြန် လာပြီလားဗျ.....” ကျွန်တော်က ရေနံ တွင်းတူး အဖွဲ့ တွင် တစ်တွင်းလုံး မှာ တစ်ယောက်
ထဲ သာရှိသော ဝယ်(လ်)တာ (welder) တစ်ယောက်ဖြစ်ပါသည်။ ပိုက်လုံး များကို ဝယ်လ်ဒင် ဆော်သည့် အလုပ်
ကိုလုပ်သူဖြစ်ပါသည်။ ဝယ်လ်တာ ကို တောသံ၊အရပ်သံနှင့်  အလွယ်ပဲအခေါ်များလာတော့  ဝယ်တာ ဖြစ်လာ
ပြီး ဆီ ကိုရောင်းတာ များလာတော့  ရောင်းတာ ဖြစ်လာပါတော့ သည်လို့ ..။
ဌာန ပေါင်းစုံ ပိုလျှံ ဆီ တွေကို ရောင်းကြပေမဲ့  အင်ဂျင်နီယာဌာနတွင် တစ်ယောက်ထဲရှိသူဆိုတော့  လူသိလွယ်
ပြီး လူသိများခြင်းဖြစ်ပါသည်။

“ ဘေးက.. အမေ လား၊အဒေါ်..လား ” အီရှောင်က သိလျှက်နှင့်  နောက်လာပါသည်။
“ညီမ ပါဗျ၊”
“နို့ .. ဘယ်လို ဖြစ်တာတုံး ညကြီး.. ဘယ်အချိန်ရှိနေပြီလဲဗျ၊ဝယ်တာ လေး...”
“ဇက် က ချော.. မိသွားလို့ ဗျာ..၊ နောက်ကျ သွားတယ်၊ ဈေးကားလဲ မမှီတော့ ဘူး”
“ဟုတ်တယ်..၊ ဖယ်ရီ ဘုတ်လဲ ခွာသွားပြီ ခုလောက်ဆို...”
သူက ပြောရင်း ကျွန်တော် ကမ်းလိုက်သော စွန်ပျံ ဆေးပေါ့ လိပ် အသစ်ကို လှန်းယူရင်း သူ့  ပြောင်းဖူးဖက်
ဆေးပြင်းလိပ်ကြီးကို ပြန်ကမ်းလာပါသည်။
“ဟာ..မသောက်ချင်ပါဘူး၊ ခင်ဗျားဟာကြီးက ချိုရဲရဲကြီး ”
“ ကဲ.. အဲ..ဒီက၊ အဒေါ်..အဲ..ကြီးဒေါ်..၊ ကဲကဲ..အမ လေး၊လှည်းပေါ်တက်မယ်နော်.. ခြေမှောင်နေပြီ၊အခုချိန်ဆို
ရှည်ရှည်ကောင်တွေ.. ထွက်နေပြီ...” လို့  အီရှောင် နောက်တော့  မဟေသီ ကျွန်တော့် နား အသာ ကပ်လာပါ
သည်။

အီရှောင်နှင့်  ကျွန်တော် သေတ္တာကြီးနှစ်လုံး၊နှင့် အဝတ်အိပ်နှစ်လုံး ကို လှည်းပေါ် မ တင်လိုက်ပြီး မဟေသီ့ ကို
တော့  ကျွန်တော် ဒုတိယ အကြိမ် ချီ ပြီး လှည်းနောက်ကို တင်ရပါသည်။ အီရှောင်နှင့်  ကျွန်တော်က လှည်းရှေ့ 
မှာပါ။ သူ့  ဆီမှ နှင်တံ ကို ယူလိုက်တော့ .. အပိုတွေပါဗျာ..၊ဒီကောင်တွေ ဒီအတိုင်း လွှတ် ထားလဲ သူတို့ အိမ်
သူတို့  အရောက်ပြန်မှာပါဗျ။.. ဟု စွန်ပျံ ဆေးလိပ်ကို မီးညှိလိုက်ရင်းက သူပြန်ပြောပါသည်။ မဟေသီက
စောစောကပြောသည့်  ရှည်ရှည်ကောင်ကို ကြောက်ပြီး သူ့ ခြေထောက်တွေ အောက်ကို တွဲလောင်းချမထိုင်ရဲ
တော့ ပဲ လှည်းနောက်မှာ ခပ်ပုံ့ ပုံ့ ၊ခပ်ကြုတ်ကြုတ်လေး ထိုင်လျှက်ပါလာတော့ သည်။

လ ကြီးက မီခိုးရောင် တိမ်တောင်တိမ်တိုက် တို့  မဖောက်ထွင်းနိူင်တော့ ဖျော့ တော့ တော့  လရောင်လေး
အောက်မှာပဲ ဧရာဝတီမြစ်ကြီး ဘေးတွင်ကပ်ရက်တည်ရှိနေသော မြစ်နားဘို့ လယ်ရွာလေးဆီသို့  ကျွန်တော်
တို့  နွားလှည်းလေးက လှည်းလမ်းကြောင်းလေးအတိုင်း တလှုပ်လှုပ်နှင့် ပဲ ချီတက်လာခဲ့ တော့ သည်။

ဝန်းကျင်တစ်ခုလုံး ကြီးစိုးထားသော ပုစဉ်းရင်ကွဲ တို့ အော်မည်နေသံနှင့်  ကျွန်တော်တို့  လှည်းကလေး၏
ခလောက်သံ၊ခြူ သံ တို့ က အပြိုင်ပဲ လွင့် ပျံ ထွက်ပေါ် နေပါတော့ သည်။ မြစ်ပြင်ဆီမှ ပြန့် ပြူးသော လယ်ကွင်း
တလျှောက်ကို အဟုန်ပြင်းပြင်းပွတ်တိုက်လာသော လေနုအေးတို့ က တစ်ချက်ချက်၊ အရိုးစိမ့်  အောင်ကို အေး
လွန်းပါသည်။

စစ်ချော မိခဲ့ သော ကူးတို့ ဇက်ကြောင့်  အဆင့် ဆင့်  နောက်ကျခဲ့ ရပြီး ပြည်တောင်တန်းရေနံမြေမှ ကျွန်တော်
တို့  ပြရည် ရေနံ အစမ်းတွင်းအတွက် လွှတ်ထားသောဈေးကားလဲ မမှီ၊ မြစ်နားဘို့ လယ် တစ်ဖက်ကမ်း ပြရည်
ဆိပ်ခံ မှ ဈေးကြို ဖယ်ရီ ဘုတ် လဲ မမှီ ဖြစ်ခဲ့ ရသော ကျွန်တော်နှင့် မဟေသီတို့ ၏ တူနှစ်ကိုယ် ချစ်ခရီး အစရဲ့ 
အဆုံး ကတော့  ရောက်လာပါပြီလို့ ..။

ဘို့ လည်ရွာ ရောက်မှ သူကြီး အိမ်တွင် ရေနံ အဖွဲ့ မှ တပ်ဆင်ထားသော V.H.F ( ကြိုးမဲ့ စကားပြောစက် ) ဖြင့် 
တစ်ဖက်ကမ်း ပြရည် ForeShore(ဆိပ်ခံ၊ဘော်ယာ) ကို ဖယ်ရီ ဘုတ် တစ်ခေါက်ပြန်လွှတ်ပေးရန် တောင်းဆို
တော့ မည်ဟု စဉ်းစား မိပါသည်။

ရွာ ထဲ လှည်းဝင်လာတော့  ခွေးတို့  ထိုးဟောင်တော့ သည်။ လူစိမ်း ပါလာလို့ ပါ။
တစ်ရွာလုံး ကူဘိုတာ အင်ဂျင်စက်သံ ညံနေပါသည်။ ကျွန်တော်တို့ ရေနံ အဖွဲ့ ၏ ကောင်းမှု ပါ။
ဘုရားလဲ မီးလင်းသည်။ ဘောပွဲရုံလဲ မီးလင်းသည်။ အိမ်တိုင်းလဲ မှောင်မနေတော့ ပါ။

ရေနံ အဖွဲ့  ကတော့  ရောက်လေရာ နေရာတိုင်း ရေနံတော့  မထွက်သေးပေမဲ့  တစ်ရပ်ရွာ လုံးတော့  ဝက်ဝက်
ကွဲ သွားအောင်တော့  လင်းသွားတတ်ပါသည်လို့ ။

.........................................................................................................................................................

( ဆက်ရန် )




































Thursday, November 26, 2009

ကျွန်တော် ရေနံ အလုပ်သမား ဘဝ ( ၄ )

ဆောင်း သံ တိတ်မှ အိပ်ပါလားကွယ်
.............................................................


ပြည် ဖက်ကမ်းရောက်တော့  ညနေ လေးနာရီ ထိုးပြီ။
ကူးတို့ ဇက်က တစ်နာရီ နောက်ကျ၍ နှစ်နာရီခွဲမှ ပြန်ဝင်လာသောကြောင့် ဖြစ်သည်။ စုံစမ်းကြည့် တော့ 
စစ် ချော ပါသွားသောကြောင့်  ဟု သိရသည်။ ခရီး သည်တွေကတော့  မြစ်ပြင် ကျယ်ကျယ်ကြီးကို ကြည့် ၍
စိတ်ပျက်ညီးညူ တစ်ယောက်၊တစ်ပေါက်ပြောနေကြသော်လည်း မဟေသီ တစ်ယောက်ကတော့  မြစ်ပြင်ကြီး
ကိုပဲ ကြည့် မဝဖြစ်နေပြန်ပါသည်။ နီုး ဦးထုပ် အဝိုင်းကြီးကိုဆောင်းပြီး၊ နေကာမျက်မှန်ကြီး တဝင်းဝင်းနှင့် 
လည်ပင်းမှ ပတ်ထားသော မာဖလာ သဘက် ကလေးကလဲ လေအဟုန်မှာ တလွင့် လွင့်  ဆိုတော့  သူ့ ကိုယ်
သူ ရုပ်ရှင်ပဲ ရိုက်နေသလိုလို။ ကျွန်တော်လည်း ခံတွင်းချင်လာသောကြောင့်  စွန်ပျံ ဆေးပေါ့ လိပ်ကို ထုပ်၍
မီးညှိပြီး အဆုပ်တွင်း သို့  တအား ဖွာရှိုက်သွင်းပစ်လိုက်မိယင်း တရွေ့ ရွေ့  ဝေးကျန်နေခဲ့ သော ဆင်တဲ ကမ်းနား
ဖက်ကို ပြန်ငေး ကြည့် နေမိပါသည်။

ယ္ခု ဇက် နှင့်  မဆန့် သောကြောင့်  ကျန်ခဲ့  ရှာသော ယာဉ်ကြီး၊ငယ်မျိုးစုံကို ခပ်ပြပြ သာမြင်နေရတော့ သည်။
ကူးတို့  ဇက်တို့ ၏ ဦးစားပေး အစီအစဉ်အရ ခရီးသည်ယာဉ်၊စစ်၊ရဲ၊ဌာန ဆိုင်ရာ စသည်ဖြင့်  အစဉ်လိုက် ဦးစား
ပေးလေ့ ရှိသောကြောင့်  တစ်ခါတလေမှ လာတတ်သော ကားများကတော့  တော်တော်လေး ကသီလင်တ ဖြစ်
တတ်ပါသည်။ အဲ... စစ်ချောဟေ့ .. ဆိုလျှင်တော့  အားလုံး အလေးပြု ကျန်ခဲ့ ပေတော့ ။

ညနေ လေးနာရီခွဲ လောက်ရောက်တော့  မှ ပြည် ဆိပ်ကမ်းကို လှန်း မြင်ရပါတော့ သည်။
ဟင်္သာတ မှ ပြည်သို့  ပုသိန်၊မုံရွာ လမ်းမကြီးအတိုင်း မောင်းခဲ့ ရသော ကြာချိန်နီးပါးမျှ ကြာညောင်းတတ်လွန်း
သော သည် ဇက်ကူး ခရီး က နဝဒေး တံတား ကြီး၊မပြီးခင်ကတော့  အတော်ပဲ ပျင်းရိ စိတ်ပျက်ဖွယ် အလွန်
ကောင်းခဲ့ တာ အမှန်ပါ။

အဝေးပြေးဂိတ်ရောက်တော့  အောင်လံ ကားကို ချိန်းရပါတော့ သည်။
မဟေသီက သူ့ သေတ္တာကြီးထဲမှ မီးသွေးမီးဖိုကြီး ကွဲမှာ စိုးပြီး စပယ်ယာ တို့ ကို တောင်းတောင်းပန်ပန်ပဲ ပြော
နေရှာပါသည်။ ဝန်စည်၊စလယ် အပြည့်  နှင့်  ခရီး သွားတတ်လွန်းသော ကျွန်တော်တို့ မြန်မာ၊လူမျိုး တို့ ၏
အပို ဒုက္ခ များပါလေ။ လမ်းမှာပဲ ဆင်းမှာဖြစ်သောကြောင့်  အလွယ်တကူ၊ ချလို့  ရမည့်  အပေါက်ဝ တွင်ပဲ ထား
ဖို့  စပယ်ယာကို ပြောတော့  မဟေသီနှင့်  စကားပြောရပါတော့ သည်။

သေတ္တာကြီးတွေကြောင့် ပဲ ကြည်နူး မှုတွေနှင့်  စခဲ့ ရသည့်  တူနှစ်ကိုယ်ခ၇ီး၏ ဈေးဦးပေါက် မကြည်နူးရခြင်း
ဖြစ်ပါတော့ သည်။ ပြည် အဝင်နောက်ကျခဲ့ သောကြောင့် " ပြရည်" အစမ်းတွင်း မှ ဈေးဝယ်တက်လာသည့် ကား
ကို ကျွန်တော် မမှီ တော့ ပါလေ။ ထို့ ကြောင့်  မြစ်နားဘို့ လယ် ရွာ လမ်းဘေးမှာပဲ ကျွန်တော်တို့  ဆင်းရတော့ 
မှာဖြစ်သည်။

ပြည် မှ ထွက်၍ "စကားထောင်ကိုးကွေ့ " ကိုကျော်လာပြီး၊ ဗွက်ကြီး တံတားကို ရောက်လာတော့  ဧရာဝတီမြစ်
ကြီး၏ အနောက်ဖက် ရှိ မှိုင်းပြပြ၊ တောင်တန်းတို့  ထိပ်တွင် နေလုံး နီနီကြီးက မေးတင်၍ အနားယူတော့ ဖို့ ပြင်
နေပါပြီ။ မဟေသီက ကျွန်တော့် ကို ကြည့် ပြီး မေးငေါ့ လာပါတော့ သည်။ မရောက် သေးဘူးလားပေါ့ ..။

လမ်း ၏ ဘယ်ဖက်ချမ်းရှိ တသွင်သွင်၊ တညိမ့် ညိမ့်  နှင့်  နေကုန်အောင် စီးဆင်းခဲ့ သော မြစ်ကြီးက ကားလမ်း
နှင့်  နီးလာလိုက်၊ ဂျောက် ကမ္ဘားအောက်တွေကို ရောက်သွားလိုက်၊ ကမ်းနှင့်  ခပ်ပျပျ သာမြင်နေရသော အဝေး
ဆီကို တဖြည်းဖြည်း ရောက်သွားလိုက် နှင့်  မြွေ လိမ်၊မြွေကောက် ကုန်းတက်၊ကုန်းဆင်း ပေါများသော
လမ်းကျဉ်းကျဉ်းလေးအတိုင်း တရွေ့ ရွေ့  မောင်းလာသော ကျွန်တော် တို့ ၏ ပြည်၊အောင်လံ ကန်တာ ကား
လေးသည် အမှောင်ထု ကြီး အတွင်းသို့  တဖြည်းဖြည်း ဝင်ရောက်လာတော့  မဟေသီ က
ကျွန်တော့် လက်ကို ခပ်ဖွဖွလေး လာဆုပ်ကိုင် ရှာပါတော့ သည်။

သူ့ လက်တွေ ချွေးစ တို့ ဖြင့်  နွေး တေးတေး ဖြစ်နေပါပြီ။
သူ့ ဂေါင်း လေးကို အသာပဲ ငဲ့ ၍ ကျွန်တော့်  ပုခုံး ပေါ်သို့  မှေး ပေးလိုက်မိပါသည်။
“ ကဲ.... ဘို့ လယ်ဆင်း မဲ့  သူများ.. ပြင်ထားမယ်နော...... ” စပယ်ယာ၏ အော်သံ ကြားတော့ မှ သူ ဂေါင်းထောင်
ထ ကြည့် တော့ သည်။ စပယ်ယာလေးနှင့်  ကျွန်တော် သေတ္တာကြီးတွေကို လမ်းမကြီးပေါ်မှ လမ်းဘေး လှည်း
လမ်းကြောင်း ပေါ်သို့  မ ချ လိုက်ပါသည်။

မှောင် စ ပျိုးသည့်  တကယ့် တော၏ ရှု့  ခင်းပါပဲ။
ပုစင်း ရင်ကွဲ တို့ ၏ အချက်ကျကျ အော်မည်သံ တို့ သာ အမှောင် ထုကို ကြီး စိုးနေပါပြီ။
စပယ်ယာ လေးက ကျွန်တော် တို့ ကို နူတ်ဆက်ပြီး ကားပေါ် ခုန်တက် သွားတော့  ကားက မီးခိုးတို့ မဲအောင်
တဗျင်းဗျင်း အသံနှင့်  သူ့ ခရီး ကို ဆက်ထွက်သွားတော့  လှည်းလမ်းကြောင်းလေးပေါ်မှာ ကျွန်တော်ရယ်၊
မဟေသီရယ်၊ သေတ္တာကြီး နှစ်လုံးရယ်၊ အဝတ်အိပ် နှစ်လုံးရယ်ပဲ ကျန်ခဲ့  ပါတော့ သည်။

ဟိုး... အဝေး မြစ်ဖက်ရှိ“ မြစ်နား ဘို့ လယ် ” ရွာလေး ဆီမှ တွံတေး သိန်းတန် သီချင်းသံ သဲ့ သဲ့ ကိုတော့  လေ
အဟုန်အတိုင်း ကြားနေရပါသည်။ မဟေသီ့  မျက်နှာလေးခပ်ငယ်ငယ်ကို မှောင် ထဲတွင် မကြည့် ပဲ ကျွန်တော်
မြင်နေရတော့  စိတ်တို့  မကောင်းဖြစ်မိပေမဲ့  သူ့ ကို ထားခဲ့ ပြီး ရွာက လူ သွားခေါ်ဘို့ ကလဲ မဖြစ်၊ သူ့ ကို ရွာကို
လွှတ်ပြီး အကြောင်းကြားခိုင်းဘို့ ကလဲ မဖြစ်။ အင်း ခက်တော့ နေပြီ...ဟု။ ကျွန်တော်လည်း ကြံရာမရ ဖြစ်လာပြီး
စွန်ပျံ ဆေးလိပ်ကို ထုပ်၍ ဖွာရှိုက်လိုက်ဖြစ်တော့ သည်။ ကြားလိုက် ရသည့်  တွံတေး သိန်းတံ သီချင်းကတော့ 
“ စောင်း သံ တိတ်မှ... အိပ်ပါလားကွယ်..” တဲ့ ..။
ကျွန်တော့်  မှာတော့  ဆောင်းကို တီးဘို့  နေနေသာသာ ဟန် ကိုယ့် ဘို့  အနေနှင့်  မှောင်ထဲမှာ ခြင်တွေ တဖုန်း
ဖုန်း ရိုက်နေသော ကျွန်တော့် မဟေသီ ကို ဘယ်လို အားပေးရမှန်းကို မသိနိူင်တော့ ပါလို့ ....။

...................................................................................................................................................

( ဆက်ရန် )

Sunday, November 22, 2009

ကျွန်တော် ရေနံ အလုပ်သမား ဘဝ ( ၃ )

တူနှစ်ကိုယ် ချစ်ခရီး
....................................

အိမ်နောက်ဖက် လယ်တီ ကျောင်းဆီမှ တုန်းခေါက်သံ စ ကြားရပါပြီ။ အိမ် အောက်ဖက် ထုပ်တန်းပေါ် တက်
နှပ်နေသော ကြက်မကြီးကလဲ အတောင် တဖြတ်ဖြတ် ရိုက်၍ အလန့် တကြား ထ တွန် ပြန်ပါသည်။ သွပ်မိုးပေါ်
တဖျောက်ဖျောက် ကျနေသော မိုးစက် သံလေး များက ထပ်ပြီး ကွေးချင်သွားအောင်ကိုပဲ စီး ချက်လေးများ
သဖွယ် ဖြစ်လာ၍ တစ်ဖက်လှည့်  ပြီး မဟေသီ့  ကို စမ်း မိတော့  သူ မရှိတော့ ပါလေ။

ဘုန်းကြီးကျောင်းမှ တုံးခေါက်နေသံက ကျဲ နေရာမှ တဖြည်းဖြည်း စိပ်လာပါသည်။
အောက်ဖက်မီးဖိုဆောင် ဆီမှ ရေစို ထင်းစတို့  မီးကျွန်းလောင်နေသည့်  မီးခိုးအူသည့်  အနံ့က အိမ်အမိုး မျက်နှာ
တို့ ကို ဖြူ လွလွ အခိုးများအဖြစ် အလိပ်လိုက် ဦးတိုက်၍ တစ်အိမ်လုံး ပြန့် နှံ့ မွှန်ထူ လာနေသောကြောင့် 
ကျွန်တော်လည်း ဆက်မနှပ်နိူင်တော့ ပဲ အိမ်အောက်ကို ဆင်းလာခဲ့ မိတော့ သည်။

"ဟော.. ကိုယ်တော်လေး နိူးတော် မူပါပေါ့ လား.. လို့ ၊ မနက် ကားဆင်းဖို့ ရှိတယ်၊ မိုးမချုပ်ပါစေနဲ့ လို့  အတန်
တန်မှာလိုက်ရဲ့ နဲ့  ရောက်ဖ တွေနဲ့  အလေလိုက်နေတာလေ..၊အခု မထနိူင်တော့ ဘူးမှုတ်လား..." မဟေသီက
မီးဖိုချောင်ထဲမှ မီးပြောင်းကို ကုန်းမှုတ်နေရင်းက အဖွားကြီးအိုလေးလိုပဲ တတွတ်တွတ် မြည်တွန် တောက်တီး
ပါတော့ သည်။

ကျွန်တော်လည်း သူ့ ဆီပဲ အရင်သွား၍ သူ့ ကိုပဲ အနမ်း တစ်ပွင့် နှင့်  အရင် နှုတ်ဆက်ရန် နောက်မှ သူ့ ခါးလေး
ကို သိုင်းအဖက်၊ မီးပြောင်းနှင့် " ဂေါက်" ကနဲပဲ ကျွန်တော့်  လက်ဖျံ ကို ခပ်ဖွဖွ ရိုက်ထုပ်ပါတော့ သည်။
သွား.. စမ်းပါ.. ငညစ်ပတ်ကြီး...၊ အိမ်ရှေ့ မှာ မျက်နှာသစ်ဖို့ .. သူများ အဆင်သင့် လုပ်ထားတယ်၊ရေချိုးရင်
တော့ .. ခပ်သွက်သွက်လုပ်နော်.. ကို..၊ မိုးအေးတယ်သိလား... ဒါမှမဟုတ်..အခုတည်တဲ့ ရေနွေးကိုပဲ .. ခဏ
စောင့် မလား..... ဟု အမေ တစ်ယောက်လိုပဲ စီမံ နေပါတော့ သည်။

အိမ်ရှေ့ ရေကပြင် ထွက်လိုက်တော့  ညကရွာထားသော မိုးတို့ ကြောင့်  ရေသလျောက်မှ ရေစက်တို့ က ဖွင့် 
ထားသော စဉ့် အိုးထဲ တစ်ပေါက်ပေါက်ကျကောင်းနေတုံး။ တံဆက်မြိတ်အောက် ကွေး နေအောင် နှပ်နေသော
ကျောနက်ကြီးက ထလာပြီး သူ့ တစ်ကိုယ်လုံး ဘယ်ညာ လှုပ်ရန်း၍ တစ်ဖပ်ဖပ်နေအောင်ခါလိုက်ပြီး ကျွန်တော့် 
ကို တအီ..အီ.. နှင့်  နှုတ်ဆက်ပါတော့ သည်။ မိန်းမကို ဈေးဦးပေါက် မနမ်းခဲ့ ရပေမဲ့  သူ့ ကိုတော့  မိန်းမထက်
ဦးအောင်ကိုပဲ ခပ်ဖွဖွ လေးနမ်းလိုက်မိပါသည်။ ကျွန်တော်တို့  ရည်းစား ဘဝက ပန်းကမ္ဘာ စက်ဘီးလေးနှင့် 
ကောလိပ်ဖက် ထွက်နင်းတိုင်း လျှာလေး တလစ်လစ်နှင့်  မမောနိူင်၊မပန်းနိူင်အောင်ကို တကောက်ကောက်
လျှောက်လိုက်တတ်သည့်  ဟင်္သာတ မှာ မဟေသီ့ အပြင် နောက်ထပ် တွယ်တာ ရသည့်  ခွေးကလေးပါပေ။
အင်း... အခုတော့ .. မင်းတစ်ယောက်ထဲ၊သုံးလ လောက် ကျန်ခဲ့ တော့ မှာ ဟု၊ ရင်ထဲ မကောင်းစွာပဲ တွေးလိုက်
မိပြန်ပါသည်။ ကြီးဒေါ်ကြီးနှင့်  သိပ်မတည့် ပေမဲ့  သူ့ ကိုတော့  ဂရုစိုက်မှာပါလေ..ဟု စဉ်းစားနေတုံးပဲ
" ကလင်လင်......" ဟု ဘဲလ် သံ ပေး၍ ကိုထွေး တို့ ဆိက္ကား နှစ်ဆီး ခြံ ထဲ ထိုးဝင်လာတော့ သည်။

........................................................................................................................................................

ကျွန်တော်တို့ စီးရသည့် ကားက ဟီနိူး ရိန်းဂျားကားကို ပါကင် အင်ဂျင်တွေလဲ၊ လေးထုပ်တွေ အထပ်ထပ်ပိုး
ထားသည့်  အလွန်မြင့် သည့်  ခရီးသည်တင် ကုန်ကားကြီးပါ။ ထိုင်ခုံ အောက်မှာခြေထောက်တို့ ချလို့ မရအောင်
ဆန်အိပ်၊ပဲအိပ် ..စသည့်  ဝန်ထည်မျိုးစုံ တို့ ကို ကြမ်းခင်း အပြည့်  သိပ်ထည့် ထားပြီး၊ အမိုး ပေါ်တွင်လည်း
ဓါတ်တိုင်တို့  ဖြတ်ဆွဲထားသည့်  ဓါတ်ကြိုးတို့ တောင် မလွတ်ချင်အောင်ကို တောင်ကြီး ကို ထမ်းတင်လာသလို
ဝန်စည်စလယ်တို့ ကို အထပ်ထပ် တင်လာသည့်  ကြံတိုင်းအောင် ဆိုသည့်  ကားကြီးပါ။ ခြေနင်းမှာလဲ လူတွေ
အပြည့် ။ သူတို့ ကြည့် တော့ လဲ စပယ်ယာတွေ၊ကားသမားတွေ နှင့်  တဝါးဝါး၊တဟားဟား အဖွဲ့ ကျလို့ နေသည်။

ကျွန်တော်တို့ လဲ အဖွဲ့ ကျနေပါသည်လို့ ။ မဟေသီနှင့် ပါ။
သေတ္တာကြီးနှစ်လုံးကို သူများမနင်းစေပဲ ကိုယ့် ခုံအောက်ကိုယ်ထားပြီး ကားတစ်စီးထဲပေမဲ့  လွတ်မထွက်သွား
အောင် တစ်ယောက်လက်တစ်ယောက် ခပ်ဖွဖွပဲ ကိုင်လာခဲ့ မိကြပါသည်လို့ ။ ပျော် နေတာကို ပြောချင်တာပါ။
တစ်လမ်းလုံးပဲ မဟေသီက.. အကို ရေသောက်မလား၊လ္ဘက်စားအုံးမလား စသည်ဖြင့်  တတွတ်တွတ် ကြွေးလာ
ပေမဲ့ .. စားဘူး၊စားဘူး..ပေါ့ လေ..။ ရင်ပြည့် နေတာ၊ရင်ခံနေတာလေ...။
အရင့်  အရင် အခေါက်တွေတုံးကတော့  သည်လမ်း၊သည်ခရီးတွေကို တစ်ယောက်ထဲပဲ အထီးကျန်စွာ ဟိုငေး
ဒီငေး၊ ကုန်ခဲလှစွာသော အချိန်တို့ ဖြင့်  ရောက်ခဲ လှစွာသော ခရီး အထပ်ထပ်တို့ ကို ပျင်းပျင်းရိရိ၊ချောက်
ချောက်ကပ်ကပ်ဖြင့်  သွားခဲ့ ရသလောက် ယ္ခု တစ်ခေါက်တွင်တော့  နွား ရေကူးသည့်  မျက်နှာနှင့် ကျွန်တော်
ဖြစ်နေပါတော့ သည်။

ကား စ ထွက်တော့  မနက် ငါးနာရီ ထိုးပြီ။
ကားဆရာ ကိုကြိုင် က မနိူးသေးတဲ့ သူတို့  နိူးအောင်၊ နိူးပြီးတဲ့ သူတွေ ပိုပြီးနိူးကြား သွားအောင် သူ့ ကား အဲယား
ဟွန်းကြီး "တစ် ပွမ်ပွမ် " ဖြင့်  တစ်လမ်းလုံး တီးလာပေမဲ့  မြို့ ခံ ဓါတ်သိခြင်းမို့  ထွက်မဆဲကြပေမဲ့  သည်းမခံနိူင်
သည့်  ခွေး တို့ ကတော့  ခေါင်းထိုးပြီး "တဝုန်း ဝုန်း " ထိုးဟောင် ကုန်ကြပါတော့ သည်။

အလင်းတို့  ပွင့်  စပြုပြီ။ လယ်တီ ကွင်း အထွက်ရောက်တော့  ဆွမ်းခံ ကြွ လာနေ သော သံဃာတန်းကြီး နှင့် 
ကြုံတော့  ကိုကြိုင် က သူ့ ကား ကို အရှိန်ရှော့  ရပ်လိုက်ပြီး သံဃာတို့ ကို ဦးတိုက်နေတော့ သည်။

မြူ မှုံထု ကို ထိုးဖောက် ထွက်လာသော နေလုံး နီနီ ကြီး က လယ်ကွင်းထဲမှာ မေးတင် ထွက်ပေါ်လာနေတုံး
နီညိုရောင် သံဃာတန်း အရှည်ကြီးကို အရင်ဆုံးပဲ ဖူးတွေ့ လိုက်ရ၍ ကျွန်တော် တို့ လဲ ကြည်ညိုစိတ်၊ကြည်နူး
စိတ် တို့ ဖြင့်  ကားပေါ်မှပဲ လက်အုပ်ချီ ရှိခိုး ဖြစ်လိုက်တော့ သည်။

ကျွန်တော်တို့  ဟင်္သာတမှ ပြည်ကို တက်မည့် လမ်းက ပဲခူးရိုးမ အနောက်ဖက် ခြမ်း၊ ဖောက်လုပ်ဆဲ ပုသိန်၊ မုံရွာ
လမ်းမကြီး မှ ဖြစ်ပါသည်။ တောင်ဆင်း၊တောင်တက် တောင်ကျ ချောင်းတို့  အလွန်ပေါများလွန်းသည့်  ကျောက်
ချော လမ်းမကြီး ဖြစ်ပါသည်။ နွေ ခေါင်ခေါင် ဆိုလျင် ဖုံ အလိမ်းလိမ်း ထ တတ်သလောက် မျက်နှာချင်းဆိုင် မှ
လာသော ကားတို့ တောင် ကောင်းစွာ မမြင်ရတတ်ပေ။ ယ္ခု မိုးတွင်းကာလ၊ ည က မိုးတို့ ရွာ ထား၍ မြေသားတို့ 
သိပ်နေပြီး ဖုံတို့ ကွယ်ပျောက်နေပါသည်။

မြို့ ထွက်လမ်းတလျှောက်၊ လမ်းကကျဉ်း၊ နွားလှည်း၊ဆိုက္ကား၊ ကားပေါင်းစုံ နှင့်  ကြက်၊ဝက်၊ခွေး တို့ ကြောင့် 
တစ်လမ်းလုံး အရှိန်ကောင်းကောင်းဖြင့် မမောင်းခဲ့ ရသလောက် အဝေးပြေး လမ်းမကြီး ကို စ တက်ပြီ ဆိုသည်
နှင့်  အင်ဂျင်သံ တဗျင်းဗျင်းနှင့်  မီခိုး မဲအောင် နင်း မောင်းပါတော့ သည်။

ဒီတစ်ခေါက် တရိပ်ရိပ် ကျန်ခဲ့ သော တောတောင် ရှုခင်းတို့ ကို ကြည့် ရသည်မှာ ပို၍ အသက်ဝင်သလို ဖြစ်နေ
ပါတော့ သည်။ ဘာကြောင့် ဆို အပြင် ငေးကြည့် မိတိုင်း မဟေသီ့  မျက်နှာလေးကို နောက်ခံထား၍ တောအလှ
ရှုခင်းတို့ ကို ကြည့် နေရလို့ ပါ။ တစ်ယောက်နှင့် တစ်ယောက်တော့  တစ်လမ်းလုံး ဆုပ်ကိုင် လာခဲ့ မိသော လက်
တို့  မလွှတ်ခဲ့ မိတော့ ။ သတိရလို့  ကြည့် မိတိုင်း နှစ်ယောက်သား ပြုံးရယ် နေမိကြပါသည်။

" ပေါက်တော ရောက်ပြီနော..... "ဟု စပယ်ယာ အော်လိုက် သံကြောင့်  ခရီးသည် တွေ တိုးတိုး၊ခွေ့ ခွေ့  ဖြင့် 
နောက် ပေါက်ဖက် ကျော်ထွက် ကုန်ကြတော့ သည်။ မဟေ သီ ကတော့  မိန်းခလေးအုပ်နှင့်  ပါသွားပေမဲ့ 
ကျွန်တော်ကတော့  ပြသနာ တက်တော့ သည်။
ဖြစ်ပုံက... သူများတွေလို၊ အမျိုးသမီး များလို တောစပ်၊ခြုံစပ် တွင် ပုဆိုးလေး ကို သပ်သပ်ရပ်ရပ် ကပ်တင်ပြီး
သေသေသပ်သပ် ဆောင့် ကြောင့် ထိုင်မသွားတတ်တော့ အားကိုးတကြီးနှင့် သွားချင်သည့် ဆီး ကိုစိတ်ရှည်ရှည်
လေး ထားပြီး အပင်ကြီးကို ရှာရင်းနှင့်  ကားနှင့်  ခပ်ဝေးဝေး အထိ ရောက်သွား တော့ သည်။
စိတ်တိုင်းကျသည့်  ကုက္ကိုလ် ပင်ကြီး တစ်ပင် ကို တွေ့ တော့  အားတက်သွားမိပြီး ရုက္ခစိုးကို ခွင့် တောင်း ပြီး ဆီး သွားတော့ မည်ဟု စိတ်ကူးလေးနှင့်  စိတ်လျှော့ လိုက်ရုံ ရှိသေး " ပွမ်... " ကနဲ ကိုကြိုင် က ဟွန်း တီးလိုက်ပါ
တော့ သည်။ လိုနေသေးသောတစ်ယောက်ဖြစ်သည့်  ကျွန်တော့် ကို ပါ။ သူတို့  ထွက်တော့ မည် လေ။
ရော... ခက်ပြီ။
အမြန် ပဲ သူတို့  ကားကိုကွယ်ရန် အပင်တဖက်ကို ကပ်ပြီး အသာလေး လှည့် ၍ ပုဆိုးကို မ ပြီး ကိစ္စ ကို ရှင်းလိုက်
တော့ မည်ဟု ပြင်လိုက်ခါမှပဲ လမ်းတစ်ဖက်က ဆင်းလာသည့် ကားနှင့်  ပက်ပင်းကြီး တိုးပါတော့ သည်။
ကျွန်တော့်  အဖြစ်က မဟေသီ လဲ မကယ်နိူင်တော့ ၊ အင်း.. ဖြစ်သမျှ အကြောင်းပေါ့ လေ.. ဟု၊ စိတ်ကို လျှော့ 
လိုက်ရပါတော့ သည်။

ကားပြန်ထွက်တော့  မဟေသီက ကျွန်တော့် အဖြစ် ကိုကြည့် ပြီး အထော မသတ်နိူင်အောင် ရယ်နေပါတော့ 
သည်။ " ကိုယ်.. တောထဲ မှာ ဘယ်လို သွားလဲ..ဟင်.." သူ ရယ်ရင်းက ကျွန်တော့် ကို မေးလာတော့  "ဟေ့ ...
အိုင်..ကတော့  တစ်တောလုံးမှာရှိတဲ့  ရုက္ခစိုးကြီးတွေနဲ့  ဘော်ဘော် တွေဖြစ်နေပြီ၊ အိုင်..ချီတက်လာပြီဆိုရင်
သူ တို့ မျက်နှာလွှဲနေပြီလေ.. ဟဲ..ဟဲ.." လို့  ပြန်ဖြေလို့ အဆုံးပဲ သူ့  ဗိုက်ကြော လိမ်အုံးမည့်  ပြုတ်တူ လက်
ကလေး ထိုးဝင်လာတာကို လှစ် ကနဲ သိလိုက်၍ ဖမ်း ဆုပ်ရင်း ဘရိတ်အုပ်လိုက်ရပါသည်။

"ယုံပါတယ်နော်.. အကို.. အမေ ခေါ်လို့  ခိုင့် တို့ ဆီ စ လာတဲ့ နေ့ က အိမ်သာတက်ချင်တာကို အိမ်မှာ မတက်ပဲ
ပန်းပဲတန်း ကနေ ဟိုး.. တာကလေး အထိ အရောက်ပြန်ပြီး တက်တာလေ၊ ထွက် မကျတာကံကောင်း.."
"ဟေ့ ..ဒါ ကတော့ .. ဒို့  ဖင် က မြင့် မြတ်တာကိုး.." ဟု သူ့ ကို ပြန်ပြောမိသည့် အခါတွင်တော့  သူ့ ရဲ့  ပြုတ်တူ
လက် ကလေးကို ကျွန်တော် မလွတ်နိူင်တော့ ပါ။ ပူ လိုက်တာဗျာ၊ သူ့  ရဲ့  လိမ် ချက်က၊ ဆီး သာမသွားခဲ့ ရရင်
ကားပေါ် တွင်ပဲ ထွက်ကျ သွားနိူင်ပါသည် လို့ ..။

အုပ်ရှစ်ပင် လမ်းဆုံ ရောက်တော့  ကားခဏ နားပါသည်။ ပူ လာသော အင်ဂျင်ကို အအေးခံ ရန်နှင့်  လမ်းစုံမှ
လူ ထပ်ခေါ် နိူင်ရန်ပါ။ ကျွန်တော် တို့ လဲ အညောင်း အညာဆန့် နိူင်ရန် ကားအောက် ဆင်း ရတော့ သည်။
ကားနောက် ခြေနင်း က သိပ်မြင့် လွန်းတော့  မဟေသီ့ ကို ဂျိုင်းအောက်မှ ခလေး တစ်ယောက်လို ဖေးမ၍
အောက်ကို ကူချ ပေးရပါသည်။ နွား ရေကူးသည့်  မျက်နှာ နှင့် ပေါ့ လေ..။

အုပ်ရှစ်ပင် လမ်းဆုံက မြန်အောင်၊ ကြံခင်း၊ ရခိုင် ရိုးမ တို့ ကို အသီးသီး ခွဲ ထွက် သွားသည့်  လမ်းဆုံဖြစ်ပါသည်။
အဲဒီက ထမင်းဆိုင်တို့ တွင် တောတွင်းသား၊ တောကောင် အစုံ ရ တတ်ပါသည်။ လမ်းဖောက် အဖွဲ့ မှ လမ်း
ဖောက်လုပ်သားတို့  အခြေချ၊ ဖွင့် လှစ် ထားသော ဆိုင်ဖြစ်ပါသည်။
တစ်ယောက်ထဲ သွားလာခဲ့ စဉ်က ပါးစပ် သရမ်း၍ အစုံစား၊ အစုံ သောက်ခဲ့  မိသော်လည်း အခုတော့  မဟေသီ့ 
ကြောင့်  အစုံ မသရမ်းဖြစ်တော့ ပဲ သူ အပင်ပန်းခံ ချက်ခဲ့ သော ထမင်းဂျိုင့် ကြီးပဲ ဖွင့် ဖြစ်ပါတော့ သည်။
ငါးခူကြော်နှပ်ဗျာ၊ သရက်သီးသုပ်ဗျာ၊ နောက် ပုဇွန်ချောက် နိူင်းခြင်းနဲ့  လ္ဘက် သုပ်ဗျာ။
ဘာ..တောတွင်းစာ..လဲ၊ လိုပါဘူးနော်လို့ ...။
အချစ်နှင့်  ခရီးသွားနေတာလေ..။ ရေ လေး သောက်တာတောင် ချိုနေတာလေ..၊ကျွန်တော့်  ပါးစပ်ကြီးက..ပါ။

ဆင်တဲ ဇက်ဆိပ် ရောက်တော့  နေ့ လည် ဆယ့် နှစ်နာရီ ထိုးပြီ။
ဇက်က တစ်နာရီခွဲမှ ရောက် မည်ဆိုသောကြောင့်  ကားတွေ အားလုံး သူ့ စုရပ်နှင့် သူ ထိုးဆိုက် အနားယူကုန်
ကြတော့ သည်။

...............................................................................................................................................................

( ဆက်ရန် )

Thursday, November 19, 2009

ကျွန်တော် ရေနံ အလုပ်သမား ဘဝ ( ၂ )

ဘူတာရုံ တွင် သင်္ဘောဆိုက်သည်၊
...........................................................

ဆိုက္ကားဆရာ ကိုထွေး အိမ်ဘေးမှ ဖြတ်နင်းသွားတာ တွေ့ လိုက်၍ မနက်ဖြန် မနက် ငါးနာရီ အိမ်ကို လာကြိုရန်
လှန်းအော်လိုက် မိသည်။ သူလည်း အေး.. ပါ..ကွ.. ဟု ပြန်အော်သွားခဲ့ ရင်းက ရန်ကုန် လော်ကယ် ဆိုက်ချိန်
ဖြစ်သောကြောင့်  ကမ်းနားဖက် လူကြိုရန် တာလမ်းမ ပေါ် တက်သုတ်ရိုက် အပြင်းနင်းတက်သွားခြင်းဖြစ်သည်။
ရန်ကုန်မှ ဟင်္သာတ ကို ရထားနှင့် များလာခဲ့ လျင် ရန်ကုန်ဖက်ကမ်း သာရဝေါ အထိသာ ရထားရောက်၍
ဟင်္သာတဖက်သို့  ကျယ်ပြောလွန်းသော ဧရာဝတီမြစ်ကြီးကို ပဲ့ ထောင်တွေ၊ မော်တော်တွေ၊ သင်္ဘောတွေ နှင့် 
ရင်မောဖွယ်၊ရင်သတ်ရှု့ မောဖွယ်တို့ ဖြင့်  ထပ်ကူး ရပါသည်။

ဆန်၊ဆီ အစားအသောက် ပေါလွန်းသော၊ ဗမာပြည် အနုံ့  ဟင်္သာတမုန့် ဟင်းခါး လို့ တောင် ဆိုင်းဘုတ်တင်ပြီး
ရောင်းရောင်းနေရသော ထို အလွန်စားကောင်းသည့်  မုန့် ဟင်းခါး ရှိရာ ဟင်္သာတမြို့  ကို လာလျင်ဘာကြောင့် 
ရင်မောဖွယ် ဟု ပြောရသနည်းဆိုပါသော် မိုးတွင်း ကာလ များဆိုလျင် ဘိုဘိုဟန် သီချင်းထဲကလို ဘူတာရုံတွင်
သင်္ဘောဆိုက်သလို ဆိုသကဲ့ သို့  ဧရာဝတီရေရဲ့  တက်ချက် ကတော့  တကယ်ပဲ ဒီဇာယ်ခေါင်းကြီး ဘေးအထိ
ရေစပ်စပ်ရောက်တတ်ပါသည်လို့ ..။ စက်ခေါင်းမောင်းတို့ ၏ ခရီးသည်တို့ အပေါ် ထားသည့်  တကယ့် စေတနာ
ပါလေ။ မြစ်ပြင်ကြီး ကို ထိုးဖြတ်၍ မောင်းပို့ လို့ ရရင်တောင် ပို့ အုံးမည့် သဘောပါလေ။

ခရီးသည်တွေအတွက်တော့  ယ္ခုလို မိုးတွင်း ကာလ တွေဆိုလျင် ပဲ့ ထောင်တွေ၊ မော်တော် လေးတွေ သံလမ်း
နားအထိ ထိုးဆိုက် လူခေါ်လာတတ်၍ အဆင်ပြေနေတတ်သလောက် မရဲတင်းသည့်  ခရီးသည်များကျတော့ 
ခပ်လှန်းလှန်း ပေါင်ရင်းမြုတ်သွားသည်အထိ သမ သင်္ဘောကြီးမှ ထိုးချပေးထားသည့်  ကုန်းဘောင် ပျဉ်ချပ်တို့ 
ဆီ အရောက် ထပ်လျှောက်ရပြန်ပါသည်။ ထမီတွေ မ၊ ပုဆိုးတွေ မ၊ ခလေးတွေ ရှင်လောင်းလှည့် သလို ဂုတ်
တွေ၊ ပုခုံးတွေပေါ် တင်ပေါ့ ဗျာ။

ထိုအခါမျိုးမှာတော့  ကျွန်တော်တို့ လို ယောင်္ကျားသားများကတော့  အတော်ကို ရိုင်းပင်းချင်စိတ်ရှိတတ်ပါသည်။
အမျိုးသမီးများကိုပါ။တကယ်ပါ။ကြီးငယ်မဟူ လမ်းလျှောက်တိုင်း တအိအိ၊တညိမ့် ညိမ့်  လှုပ်ခါနေတတ်သော
ထို ကုန်းဘောင်ချပ်ကြီးများပေါ်ဝယ် ကိုယ့် ခြေထောက်တွေကို အရင်မြဲမြံအောင် ထိန်းရပ်ပြီး တုံတုံချိချိ ကြောက်
လန့် နေသော အမျိုးသမီး တို့ ကို တွဲကူ ဖေးမ၍ သင်္ဘောပေါ် ချ ပေးခြင်းပါ။

မဟေသီနှင့် စုံဆည်းပြီးသည့် နောက်ပိုင်းတော့  ထိုနှေးလွန်းကြာလွန်းသော သမ သင်္ဘောကြီးကိုမစီးဖြစ်တော ။့
အင်ဂျင်နှစ်လုံးပါရက်နှင့်  ရေဆန်ကို တစ်လုံးထဲနှင့်  ထိုးမောင်းတော့  ဟင်္သာတကမ်းကို ပြပြ မြင်နေရ
သလောက် မရောက်နိူင်လွန်းသောကြောင့်  ဈေးပိုပေးရသလောက် ပိုမြန်သော အမြန်ပဲ့ ထောင်လေးများကိုပဲ
စီးဖြစ်နေတော့ သည်။ ကုန်ဝိတ်၊လူဝိတ်တို့ နှင့်  ဆန့် သလောက်၊ရသလောက် ပြွတ်သိပ် တင်လာတတ်သော
ထို ကူးတို့ ပဲ့ ထောင်တို့ သည် ရေပြင် မှ လက်တစ်ထွာ သာသာလေးသာ ရေစူးကျန်နေတတ်ပါတော့ သည်။
မိုးတွင်းကာလကြီးမှာ ဧရာဝတီမြစ်ပြင်ကျယ်ကြီးထဲ မြုပ်လု မြုပ်ခင်ဖြင့်  တရိပ်ရိပ်ပြေးသော အနီု ပဲ့ ထောင်
လေးတွေပေါ်မှာ ခရီးသည်တွေကတော့  ရောက်ချင်ဇောတွေနှင့် ပဲ မလှုပ်မရှက်၊ညိမ်ညိမ် ကုတ်ကုတ် လိုက်ပါ
ရစမြဲပါ။ ထို အခါမျိုးဆိုလျင် ကျွန်တော်နှင့် မဟေသီတို့ က တစ်ယောက်မျက်နှာ တစ်ယောက် ကြည့် ပြီး ပြုံး
ရယ် နေ ဖြစ်ကြပါသည်။ ချစ်သူနဲ့ ဆိုတော့ လဲ ... အရာရာကို ပျော်ပျော်ကြီး ကျော်ဖြတ် နေနိူင်သလိုပေါ့ နော်...။

နွေရာသီရောက်လျင်တော့  သာရဝေါ ဘူတာနောက်ဖက် ခပ်လှန်းလှန်းရှိ ကမ်းစပ်မှ သင်္ဘောတွေ၊ပဲ့ ထောင်
မော်တော်တွေရှိရာ သို့  မတ်စောက်စွာပဲ ဇောက်ထိုး ဆင်းရပါတော့ သည်။ ကမ်းစပ် မြေသားကို လှေကားထစ်
တို့ သဖွယ် ထွင်းထု ပေးထားသော်လည်း အစဉ်မသင့် လျင် အောက်ဖက်ရေစပ်အထိ ဒလိပ်ခေါက်ကွေးပဲ ထိုး
ကျသွားတတ်ပါသည်။ ဆိုလိုချင်တာ... နောက်မှ တစ်ယောက်ကျပြီဟေ့ ဆိုလျင် ရှေ့ ကလူတွေပါ ဆက်ကျသွား
ဘို့  မခဲယဉ်းပါဟု...။

ထိုအခါမျိုးမှာ ဆိုလျင်ကောတဲ့ ...။
ကျွန်တော် သူ့ လက်ကို မလွှတ်တတ်တော့ ပါ။
ကြောက်လို့  မဟေသီ့  လက်ကို မလွှတ်ခြင်းမဟုတ်ပါ။
ချစ်၍ သူ့  လက်ကို ဆုပ်ကိုင်ထားမိခြင်းပါ။ ချစ်သူ ကျ မှာ စိုးလို့ ပါ။

ရင်မောဖွယ် တို့ ပြောပြီးတော့  ရင်သတ် ရှု့ မောဖွယ်တို့ ကို ပြောရပါအုံးမည်လေ။
မြစ်ပြင်ကျယ်ကြီးထဲရောက်လို့  တဖြည်းဖြည်း ဝေးကျန်ခဲ့ သော သာရဝေါ ဖက်ကမ်းကို ပြန်ကြည့် မိလျင် ရန်ကုန်
ထဲက မပျင်းမရိ စီးနင်းလာခဲ့ ရသော ရထားတွဲ အရှည်ကြီးကို ကမ်းနဖူးပေါ်မှာ ဝေးကျန်ခဲ့ သည့် မြင်ကွင်းပါ။
ပြပြသော ကမ်းစပ် တို့ နောက်ခံထားပြီး ဟိုး အဝေးက မှိုင်းညို့ နေသော တောင်တန်းကြီးတွေ ကြည့် ရသည်မှာ
လည်း ရင်ထဲမှာ ကဗျာလိုလို၊ စာလိုလိုပါပဲ..။
ထိုခရီးတွေက ချစ်သူ အဖေါ်ပါလျင် ကြည်နူးရသလောက်၊ တစ်ယောက်ထဲ သွားရသည့်  အခါများကျတော့ 
လွမ်းမောဖွယ်၊ စွန့် ပျံ့ ဖွယ်ဖြစ်နေတတ်ပြီး မြင်ရတတ်သည့်  ဇင်ယော် တို့ ကတောင် လှောင်နေသလိုလိုပါလို့ ။

" ကဲ... ကို... ဒီ သေတ္တာကြီး ပိတ်ပေးတော့ " နောက်မှ မဟေသီ့  အသံကြားမှ အတွေးစ တို့ ပြတ်သွားရသည်။
"လမ်းမှာ..လုံးဝ မဖွင့် တော့ ဘူး ကို .... အသေ ပိတ်ပေး၊ ဟိုကျမှ ဖွင့် တော့ မယ်လေ.." ဟုသူပြောသည်။
ကျွန်တော်လဲ ထင်းရှုးသေတ္တာကြီးကို သံရိုက် ပိတ်ပစ်လိုက်ပါသည်။ ဒီသေတ္တာကြီး တွေကို တစ်လမ်းလုံး ကြုံ
သလို ဖြစ်သလိုနှင့် ပဲ မပါပါအောင် သယ်လာရပါတော့ မည်။
မိန်းမ မပါတုံးကတော့  ဘိုင့် ဘိုင် လုပ်ရတုံး ခဏ တာလွမ်းလိုက်ရပေမဲ့  ရင်ကော့ ၍ ပေါ့ ပါးစွာပဲ ခရီးတွေ ဆက်
ဖြစ်နေခဲ့ ရသလောက် အခုတော့  မဟေသီပါတော့  ပျော်ရွှင်ရပေမဲ့  မိန်းမ တစ်ယောက်၊သေတ္တာနှစ်လုံးကို
ခရီးတွေ၊အထပ်ထပ်ဖြတ်ပြီး သယ်ရတော့ မှာမို့ ... ကျွန်တော့် နှုတ်မှ ရုတ်တရက်...
" မိန်းမရေ..မိန်းမရဲ့  .......( အာလုပ်သံ၊ပစ်ပစ်နှစ်နှစ်အသံ နှင့် ထွက်ကြည့် ပါ ) ကိုယ်ခေါ်သွားချင်တာက
မင်းတစ်ယောက်ထဲကိုပါပဲ..၊ ဒီ..သေတ္တာကြီးတွေကို မဟုတ်ရပါဘူး..ကွယ်..၊ မင်းပါခဲ့ ရင် အရာရာပဲ ပြည့် စုံလှ
ပါပြီ.... ဒါကြီးတွေကို........" လို့  ရုတ်တရက် ထွက်သွားမိပေမဲ့  ကျွန်တော့်  စကား တို့ မဆုံးခင်မှာပဲ သူ့ ရဲ့  ပြုတ်တူ လေးလိုပဲ သန်လှသည့်  လက်ကလေးက ကျွန်တော့်  နံ အောက် ခါးစောင်းအထက် ဗိုက်၏ အဆီပြင် စ
တင်းနေသည့်  နေရာလေးကို လိမ်ညှစ်ပြီးသား ဖြစ်နေပါတော့ သည်။ နာ လိုက်တာဗျာ။ နာ လွန်းလို့  ခြေဖျားတို့ 
ထောက်ပြီး သူ့ လက်ကို ဆွဲခွါထုပ်မိသော်လည်း မပြုတ်တော့ ၍ အသံပြဲကြီးနှင့်  ခုနှစ်သံချီ ဟစ်ပြီး အနာ သက်
သာ အောင် "အား......"ဟု အော် ထုပ်ပစ်လိုက် စဉ်မှာပဲ သူ့ ကြီးဒေါ် ဒေါ်ကြင်စန်း ဈေးမှ အထုပ်၊အပိုး များဖြင့် 
အိမ်ရှေ့ မှာ ဆိုက္ကားကြီးနှင့်  ထိုးဆိုက်လာသောကြောင့်  ကျွန်တော် သက်သာရာ အမြန် ရ သွားပါသည်။

"ဟဲ့ ... မိခိုင်... ညီး.. အထုပ်အပိုးပြင်နေတာကလည်း ညကတဲက အခုချိန်ထိ မပြီးနိူင်သေးပါလားအေ...." ဟု
သူ့ ကြီးဒေါ်ကြီးမှ သူ့ ကို ဟောက်ပါတော့ သည်။ ကျွန်တော်လဲ ပုဆိုးပြင်ဝတ်ရင်း ကြီးကြီးလက်ထဲမှ ဈေးထုပ်များ
ကို ဆင်းယူလိုက်ပါသည်။ကျွန်တော့်  မဟေသီက သူ့ မိဘနှစ်ပါးလုံး ကျွန်တော်နှင့်  အိမ်ထောင်မကျမီ ရှေ့ ဆင့် 
နောက်ဆင့် ပဲ ဆုံးပါးကုန်ကြ၍ သည်ကြီးဒေါ်ကြီး ကပဲ ဆက်လက် စောင့် ရှောက်နေခဲ့ ခြင်း ဖြစ်သည်။
"မဟုတ်ဖူး... ကြီးကြီး သားပေါ့ .. သမီးကို ဘာမှ ကူမလုပ်ပေးချင်ဘူးလေ၊ တမနက်လုံး လ္ဘက်ရည်ဆိုင် ထွက်ဖို့ ပဲ
ချောင်းနေတာ" ဟု ထောင်ပါတော့ သည်။ ကျွန်တော်တို့ နှစ်ယောက်ကြားမှာ သူကတော့  ခလေး ပေါ့ လေ။

ကျွန်တော် ဆိုက္ကားဆရာ ကိုထွေး ကိုပဲ မနက်လာရင် နောက်တစ်စီး ပါ ထပ်ခေါ် ခဲ့ ဘို့  မှာလိုက်တော့ သည်။
မဟေသီ့  ပစ္စည်းတွေက ဆိုက္ကား နှစ်စီး နှင့် မှ ရမှာမို့ လို့ ပါလို့ ..။ အင်း.. မနက် ကားဆင်းတဲ့ အချိန် မိုး မရွာပါ
စေနဲ့ ..လို့  မျှော်လင့်  မိပါသည်။ မနက်ဖြန် မနက်စောစော အလင်းတို့  မပွင့် သေးမှီ သေတ္တာကြီး များဖြင့် 
တူနှစ်ကိုယ် ခရီး စ ရတော့ မည်လေ....။

......................................................................................................................................................

( ဆက်ရန် )

Monday, November 16, 2009

ကျွန်တော် ရေနံ အလုပ်သမား ဘဝ

( ကျွန်တော်နှင့်  မဟေသီ )
............................................

"မင်းကလဲကွာ ... အိုးတွေ များလိုက်တာ.. တစ်သက်လုံးနေမှာ ကျနေတာပဲ၊သုံးလလောက်လေး ပဲဟာကို"
ကျွန်တော်က ထင်းရှုးပုံးထဲ ကြီးစဉ်ငယ်လိုက်သောဒန်အိုးများကို ထင်းရှုးသေတ္တာပုံးကြီးထဲသို့  စီရီကာ နေရာလပ်
မကျန်ရအောင် ထပ်ပြီးထည့် နေသော မဟေသီကို ပြောလိုက်တာပါ။
ငရုပ်သီးမှုန့် ၊ဆနွင်းမှုန့် ကအစ ထောင်းစရာ ငရုပ်ဆုံ၊ငရုပ်ကျဉ်ပွေ့ လက်နီုး တို့ တောင် ပါသေး။ ဒါတောင် ကြက်
သွန်တို့  ငံပြာရည်၊ဆီ တို့ ပါ အတင်း ထည့် ယူသွားမည်လုပ်နေသဖြင့်  တလမ်းလုံး အလေးခံပြီး သယ်ရတော့ 
မယ်... ဟိုကျမှ ဈေးကားနဲ့  လိုက်ဝယ်လို့ ရပါတယ် မယ်မင်းကြီးမရယ်... ဒါလေးတစ်ခုတော့  ကိုယ့် ကို လိုက်ရော
ပေးပါကွာ... ဟု သူ့ ကို မနည်းတောင်းပန်မှ နူတ်ခမ်းတို့  ပွစိ ပွစိ လုပ်၍ အလျှော့ ပေးတော့ သည်။

ကျွန်တော်က ရေနံ ဝန်ထမ်း တစ်ယောက်ပါ။ ခြေသလုံးအိမ်တိုင် ဘဝနှင့် တောင်မြောက် သွယ်တန်းနေသော
မြန်မာပြည်မြေပုံအတိုင်း ကုန်စင်အောင် တာဝန်အရ လျှောက်သွားနေရ ပေမဲ့  မဟေသီ့ ကို မခေါ်ခဲ့ မိ။ တစ်ခါ
တလေ အရှိန်လွန်၍ မုတ္တမကွေ့  ပင်လယ်ပြင်ထဲ ပါသွားခဲ့ ရလျင် ပိုဆိုးပါသည်။ မိန်းမခေါ်ခွင့်  မရှိသောကြောင့် 
ပါ လေ။

ယ္ခု ကျွန်တော် ပြည် အောင်လံ လမ်းပေါ်ရှိ စကားတောင်ကိုးကွေ့ အကျော် မြစ်နားဘို့ လယ်ရွာ လေးမှ မြစ်တစ်
ဖက်ကမ်းရှိ ပြရည် ရေနံ အစမ်းတွင်း ဆီသို့  သုံးလတာ တာဝန်ထမ်းဆောင်ရန်အတွက် အလှည့် ကျလာတော့ 
တကျီကျီ ပူဆာလွန်းနေသော သူ့ ကို ခေါ်ဖို့  ဖြစ်လာရတော့ သည်။ မခေါ်လို့ ကလဲ မဖြစ်တော့ ။ အိမ်ထောင်
သက် နှစ်နှစ် ပြည့် တော့ မည်။ အမြဲတန်းပဲ သူ့ ကိုထားခဲ့ ၍ အကြိမ်ကြိမ်ခွဲထားခဲ့ တိုင်း စကားနာ အထိုးခံခဲ့ ရ
သည်မှာလဲ အကြိမ်ကြိမ် ရှိနေပြီ ဖြစ်သောကြောင့် ပါ။ S.M.E နှင့်  တွင်းတူး အဖွဲ့  တစ်ဖွဲ့  လုံး၏ ကျွန်တော့် 
မိန်းမကို တွေ့ ချင်လွန်းလှပါသည် ဟု တစ်ခုတ်တရ ပူဆာလွန်းသောကြောင့် သာ ဒီတစ်ခေါက် မဟေသီ့  ကို
ခေါ်သွားဖို့  ဆုံးဖြတ်ရခြင်းပါ။
အရင်က ဘာကြောင့်  မခေါ်သွားရသနည်းဆိုသော် ကြမ်းတန်းလွန်းသည့်  ရေနံ လုပ်သားတို့ ၏ ထုံးစံ အတိုင်း
တောတောင်အနုံ့ location ( တူးမည့် ဝန်းကျင်နေရာ ) ရှိသည့် နေရာ အရောက် ဗားတိုက်တွေ၊တဲတန်းတွေ
ထိုးပြီး စခန်းချ အိပ်စက် နေထိုင်ရလို့ ပါ။ အလုပ်က ပထမ၊နေဘို့ က ဒုတိယလေ။

ဒါပေမဲ့  ရေနံသားတို့ လောကတွင်တော့  မိန်းမနှင့် လစာ ပါလျင် ဘယ်နေရာမဆို သွားနိူင်သည် ဆိုသော စာဆို
ရှိသည်နှင့် အညီ တခြားသူတွေ အားလုံး မိန်းတွေ၊ခလေးတွေ တိုးလို့ တွဲလောင်းနှင့် ၁၂ လရာသီ နေပူမိုးရွာ
မရှောင် တောအထပ်ထပ်၊တောင်အသွယ်သွယ်ကို ဒရွတ်တိုက် ခေါ်နေခဲ့ ကြပေမဲ့  ကျွန်တော်ကတော့  သူတို့ 
လို အဲဒီ တောတွေထဲ မဟေသီ့ ကို ဆွဲမခေါ်ရက်ခဲ့ နိူင်။

ဘာဖြစ်လို့ ဆို....... ချစ်လို့ ပါ။
တန်ဘိုး ထားလွန်လွန်းလို့ ပါလို့ ။
ဒါကြောင့် မို့  ချစ်ရက်နဲ့ ပဲ အကြိမ်ကြိမ် ထားခဲ့ ၊ခွဲခဲ့ ခြင်း ဖြစ်ပါသည်။ စစ်သား ဘဝ နှင့်  နဲနဲ ပဲ ခြား ပါ သည်။
စစ် မတိုက်ရတာ၊မိုင်းကွင်း မနင်း ရတာ ကလွဲလို့ ပါ။ ဒါတောင် တစ်ခါတလေ စစ်သား တို့ နှင့်  ကြောချင်းကပ်
အိပ်ရသည့်  အချိန်တွေတောင်ရှိခဲ့ ရပါသည်။ ဒါကြောင့်  ဒီ ဘဝအတွက်တော့  နှမ လက်လျှော့  နေရစ်တော့ 
ဟု ရင်နာနာနှင့်  အကြိမ်ကြိမ် သူ့ ကို ဆိုဖြစ်ခဲ့ ရပါသည်။ နူတ်ဆက်တိုင်း မဟေသီ ငိုခဲ့ ပေမဲ့  ကျွန်တော် လှည့် 
မကြည့်  ပဲ ထွက်ခဲ့ မိရသည်ကြီးပါ။

ယ္ခု တကြိမ် ကျွန်တော်တို့ ဌာနမှုး S.M.E ဦးသန့် ဇင် ကိုယ်တိုင် မင်းတို့ ကို အဆောင် တစ်ဆောင် စီစဉ်ပေးပါ့ 
မယ်ကွာ.. ငါ့ မိန်းမနဲ့ လဲ အဖေါ် ရတာပေါ့ .. ဟု ပြောလိုက်၍ ကျွန်တော် ကြွတက်ပြီး မဟေသီ့  ကို ခေါ်ရခြင်းပါ။

" အကိုရေ.... လာပါအုံး၊ မြန်မြန် ဒီမှာ တိုင်ကီ လာစောင်းပေးပါအုံး.... "
အဝတ်အိပ် ပြင်နေသောကျွန်တော့် ကို နောက်ဖေး မီးဖိုချောင် မှ မဟေသီ လှန်းခေါ်လိုက်ခြင်းဖြစ်သည်။
ကျွန်တော် အဝတ်အိပ် ပစ်ချပြီး သူ့ ဆီ အပြေးရောက်သွားမိတော့  ဆန်တိုင်ကီ ကြီးကို မနိူင်မနင်း နှင့်  မ စောင်း
ပြီး ငွေရေခွံ အိပ်ဖြဲ၍ ဆန် အကြွင်းအကျန်တို့  လောင်းထည့် နေသော မဟေသီ့ ကို တွေ့ လိုက်ရပါသည်။

"မော ပါ့ .. မိန်းမရယ်... မင်းကွာ ပြောထားရက်နဲ့ ၊ အားလုံး ဟိုမှာဝယ်လို့ ရပါတယ်လို့ ၊ ဟင်္သာတ ကနေ ပြရည်
ရောက်တဲ့ အထိ ပြည်မှာ ကားချိန်းရအုံးမယ်။ အခုပဲ အိပ်ယာပစ္စည်းတွေနဲ့  သေတ္တာတစ်လုံး၊ မီးဖိုချောင်ပစ္စည်း
တွေက တစ်လုံး ထင်းရှုးသေတ္တာကြီးတွေနော်..၊ အဝတ်အိပ်တွေလဲ ရှိသေး၊ ဟာ.. ဒီဘက်မှာလဲ ရေ ပုလင်းတွေ
ပါလားကွာ .. ဟင်.. မီးသွေး ထုပ်ကလဲ ပါသေး.. ကဲ..ကဲ.. ကိုယ်တို့  သင်္ဘောတစ်စီး ပဲ ငှားလိုက်တော့ မယ်ဟေ့ "
ကျွန်တော် ကရားရေလွှတ် တောက်ရှောက် ပြောလို့ မဆုံးခင်ပဲ ကျွန်တော့်  ဗိုက်ကြောဆွဲလိမ်ရန် သူ့ လက်
ကလေး ထိုးဝင်လာ၍ မနဲပဲ တွန်းဖယ်လိုက်ရပါသည်။
"ကို က ဘာသိလို့ လဲ.. ဆန်က မိုးတွင်း ဆိုတော့  ဒီတိုင်း ထားခဲ့ ရင် ပိုးထိုး၊ မှိုစွဲ ဖြစ်တော့ မယ်။ မီးသွေး က နဲနဲ
လေးကျန်လို့  နဲနဲလေး ပိုသယ်ရတာများ၊ နဲနဲ သယ်သွားတော့  နဲနဲ သက်သာမသွားဘူးလား၊ ဝယ်ရတာလေ .."
ကျွန်တော် သူ့ ကို ဖက်ပြိုင် မပြောချင်တော့ ၍ အိမ်ရှေ့  ပြန်ထွက်လာတော့  စောစောက မီးဖိုချောင် ပစ္စည်းတို့ 
ထည့် ထားသော ထင်ရှုး သေတ္တာကြီး ဘေးတွင် ကပ်ထောင်ထားပြန်သော သနပ်ခါးတုံး များကိုတွေ့ ရပြန်တော့ 
သည်။ မဟေသီက သနပ်ခါး အလွန်ကြိုက်တတ်ပါသည်။ မိုးလင်း မျက်နှာ သစ်ပြီးကတဲက သူ့ ပါးပြင်ဝယ် စွဲထင်
ခဲ့ သည့်  ပါးကွက်လေးက ညအိပ်ရာဝင်ချိန်အထိ မပျက်ပျယ်တတ်ပါ။

သူကြိုက်လွန်းသည့်  သနပ်ခါးတုံး တို့ ကို ဒီသေတ္တာကြီးထဲ ရှုပ်ထွေးသော ပစ္စည်းတို့ ကြား လေခို၊လေပေါက်တို့ 
မျှ မကျန်မရှိအောင် သူထည့် တော့ မှာမို့  ထည့် သလောက် လေးတော့ မည့်  ခါးကျိုးအောင်ကို မ ရ တော့ မည့် 
သေတ္တာကြီးကို ကျွန်တော်ကြည့် ပြီး သက်ပြင်းချဖြစ်ပါသည်။

မိဘ တို့ လက်အောက် ဗိုင်းကောက်ကျောက်ပိ တစ်သက်လုံးနေခဲ့ ရသော ကျွန်တော့် မိန်းမ၊ ရေနံသား
ကျွန်တော် ငပွေး နှင့်  အကြောင်းပါတော့ မှ အိမ်ပြင်ထွက် တောထဲ ရောက်ရတော့ မှာမို့ အင်း သူ အတွေ့ အကြုံ
မရှိသေးလို့ ပါ၊ နောက် သူ့ ဖာသာ သူသိလာမှာပါ ဟု တွေးရင်း သေတ္တာကြီးနှစ်လုံး၊ အဝတ်အိပ်နှစ်လုံးနှင့် 
မိန်းမ တစ်ယောက်ကို မိုးရေထဲမှာ ဗွက်နင်း၍ တောထဲ အပါခေါ်ရတော့ မည့် မဟာ့ မဟာတာဝန်ကြီးကို စဉ်းစား
မိရင်း စွန်ပျံ ဆေးပေါ့ လိပ် ကို ထုပ်ပြီး မီးညှိ ဖွာရှိုက်လိုက်ဖြစ်ပါတော့ သည်။

..............................................................................................................................................................

( ဆက်ရန် )

Thursday, November 12, 2009

ခေတ်သစ် ပဒုမ

မိုးက အခုတလော ဖျောက်ဆိပ်မိုး သာရွာရွာ နေပါသည်။ အိမ်ရှေ့  ဂဝံ မြေနီလမ်းညက်ညက် ပေါ် တဖေါက်
ဖေါက် ကျဆင်းနေသော မိုးစက်ပွင့်  တို့ ကြောင့်  မြေသင်းရနံ့ သင်းသင်းတို့ က ကျွန်တော့်  အိမ်ဝိုင်း လေးထဲ
သို့  ပြန့်လွင့် ဝင်ရောက်လာနေပါသည်။ မဟေသီရဲ့ အာရုဏ်ဆွမ်း ထ ချက်သည့်  ထမင်းနံ့ မွှေးမွှေးလေးကလည်း
မြေရနံ့ သင်းသင်းလေးနှင့်  ရောပြွန်း နေပြီး တစ်အိမ်လုံး ပြန့် နုံ့ လာနေသောကြောင့် သွတ်မိုးတို့ အပေါ်
တဖျောက်ဖျောက်ထိမှန်နေသော မိုးစက်တို့  အသံကို နာခံရင်း တစ်ခါပြန်နှပ်ဖို့  ကြိုးစားနေသော ကျွန်တော့်မှာ
ဆက်ပြီး ဇွဲ မခတ်နိူင်တော့ ပဲ အိပ်ယာ ထဲမှ ထ ထွက်လာရတော့ သည်။ အပြင်မှာ အလင်းတို့  ကောင်းစွာ မပွင့် 
သေးပါ။

"ဟော့ ..ဒီက... ပဲပြုတ်............"
ပဲပြုတ်သည်ကြီး ဒေါ်အေး ရဲ့  အသံ ပါ။
"ကိုရေ.... လုပ်ပါအုံး.. ဒေါ်အေးကြီးလာနေပြီ.."
နောက်ဖေးမှ မဟေသီ လှန်းအော်လိုက်သောကြောင့်  ကျွန်တော်လဲ ပဲပြုတ်ယူရန် အိမ်ပြင် ထွက်ခဲ့ ပါသည်။

အိမ်တံစက်မြိတ်အောက်ရောက်တော့  ခြေနင်း အုပ်ခုံပေါ်တွင် အငွေ့ တထောင်းထောင်း ထ နေသော ပဲပြုတ်
တောင်း လေးကို ဖွင့် ၍ ချိန်ခွင်ထဲ ပဲပြုတ် ခတ်ထည့် နေသော ဒေါ်အေးကို သနပ်ခါး ပါးကွက် အဖွေးသားနှင့် 
တွေ့ ရပါသည်။ သူ့ ပါးကွက်တို့ က သွားပွတ်တံ နှင့်  တညီ၊တညာ ဆွဲထားပုံရပါသည်။ပါးကွက်ပေါ်ကခြစ်ကြောင်း
တို့ က တိကျ၍ အတန်းလိုက်လေးတွေနှင့် ပဲ စီစီ ရီရီ မို့  တစ်မျိုးတော့ ကြည့် လို့ ကောင်းနေပြန်ပါသည်။

" ထုံး စံ အတိုင်းပဲပေါ့  ဒေါ်အေးရာ.. နှစ်ဆယ်သား၊ ပို ထည့် ပေးအုံးနော...."
" အေးပါ..တော်..." ဟု သူပြောပြီး ချိန်ခွင်လေး ဆွဲ မလိုက်တော့  တကယ်ပဲ ပဲပြုတ် ထည့် သည့် ဗန်းဖက်က
အောက်နိမ့် ကျန်ခဲ့ ပြီး ချိန်ခွင် လျှာကလည်း ပဲပြုတ် ဗန်းဖက် ငိုက် ကျနေတော့ သည်။
" ဒေါ်အေးကြီး.. အဒေါ့် အုန်းဆီလေးက မွှေး လိုက်တာနော်.. ရော့ ..အဒေါ့် အတွက်.."
ဘယ်အချိန်က ရောက်လာမှန်းမသိသော ကျွန်တော့်  မဟေသီက ဒေါ်အေးကို သနပ်ခါးပန်းလေးတွေ လာပေး
တာပါ။ "ကျေးဇူးပါတော်... ဒီနေ့  ဝက်သား ယူအုံးမလား ညီမလေးရေ.." ဒေါ်အေးက မိုးလင်း၍ ဈေးချိန် ရောက်
ပြန်လျှင်လည်း ဒိုင်မှ လာချသော ဝက်သားတွဲ များကို ယူပြီး မနက်ဈေးထဲ ဆက်ရောင်းပါသည်။
" ယူမယ်လေ.. အဒေါ့်တူ ကိုကျော့်  ကိုလွှတ်လိုက်မယ်လေ"
"အေး..အေး.. " ဟု ပြောပြီး ပဲပြုတ်တောင်းလေး ပြန်အုပ်ရင်း ဆက်ထွက်ဖို့  ပြင်နေသော ဒေါ်အေးကို မဟေသီ
ကပင် ဆက်၍ " သြော်.. မေ့ တော့ မလို့ .. ဒေါ်အေးရေ... ဆန်ကွဲလေးလဲ နိူင်သလောက် တစ်ခါထဲ ယူသွားအုံး
သမီး တစ်ခါထဲ ထည့် ပေးလိုက်မလို့ " ဟု ပြောပြီး နောက်ဖေးဘက် ကပျာ ပြန်ဝင် သွားတော့ သည်။

"ဒေါ်အေး.... ဦးမောင် တို့ အိမ်ကို ဈေးကွဲရင် လှည့် ဝင်သွားဦးနော်၊ ခြင်ထောင် တွေ လျှော်ဖို့  စုထားတယ်လို့ 
ပြောတယ်ဗျ။"ကျွန်တော်က ဒေါ်အေးကို ပြောလိုက်သည်။
"အော်..အေးပါ.." ဟု သူပြန်ပြောပါသည်။

ဒေါ်အေးက တစ်ခြားသူမဟုတ်ပါ။
မြင်းပျံ မကောက် ဆေးလိပ်ခုံ ပိုင်ရှင် ရဲ့ ချွေးမ တစ်ယောက်ပါလေ။
သိတဲ့ အတိုင်း မြင်းပျံ ဆေးလိပ် ဆိုတာက တိုင်းကျော်ပြည်ကျော် လူသိများ ကျော်ကြား သည့် ဆေးလိပ် တစ်မျိုး
ပါ။ ဆိုတော့  ..... ချမ်း သာ ကြသည် ဆိုပါတော့ ။

ဆေးလိပ်ခုံပိုင်ရှင်၏ မွေးချင်းတွေထဲက သားတစ်ယောက်ဖြစ်သည့်  ဦးဝင်းနှင့်  ဒေါ်အေး တို့ က ငယ်သူငယ်ချင်း
ငယ်ကျွမ်းဆွေ ဘဝ မှ သမီးရည်းစားဖြစ်ပြီး အိမ်ထောင်ကျ လာခဲ့ ခြင်းဖြစ်သည်။ ဥိးဝင်းက ဒေါ်အေးကို ငယ်ငယ်
ထဲက နိူင်ခဲ့ ရသည့်  ငယ်နိူင်ဟု သိရသည်။ သူကသူဌေးသားဆိုတော့ လဲ ခြေလက်တို့ ရှိ အမွှေးတို့ မှ မီးမလောင်
ဘူးခဲ့ အောင် ယောင်္ကျားနုနု ဘဝနှင့်  နေခဲ့ ရသူဆိုတော့ ဒေါ်အေးနှင့်  အိမ်ထောင်ကျပြီးသည့် အချိန်အထိ အရှိန်
လွန် အကျင့် ပါပြီး အိမ်မှာ ငုတ်တုတ်ထိုင်၍ ရလိုက်သမျှသော အမွေပေါင်း များစွာကို လိုလေးသေးမရှိရအောင်
ကို တစ်ခုပြီးတစ်ခု ရောင်းချ ပေါင်နုံ ပြီး အပြောင် သုံးခဲ့ သည်မှာ မိန်းခလေး တစ်ယောက်၊ ယောင်္ကျားလေး
ဆယ့် နှစ်ယောက် တိတိ မွေးဖွား သန့် စင်ပြီးစီး သည့်  အချိန်အထိ ပါပဲ။
တိုက်တာ အိမ်ခြံတွေ၊ ကားတွေ ကုန်ပြီး ကျွန်တော်တို့ ရပ်ကွက်ထဲရောက်လာ၍ အရပ်နှင့်  ရ.ဝ.တ အဖွဲ့ က
ဒေါ်အေးကို သနားပြီး ရေစင်ကြီးအောက် အဖီလေး ဆွဲချပြီး ဆောက်လုပ်နေထိုင်ခွင့်  ပေးခဲ့ ရသည်အထိ ပြောင်း
လဲသွားသော်လည်း မပြောင်းလဲပဲ ထူးမခြားနား အဖြစ်နဲ့  သစ္စာရှိရှိနေခဲ့ သည်မှာ ဒေါ်အေး၏ လောင်တော်မင်
ဦးဝင်းပါ။
ဘာကို သစ္စာရှိပါသလဲဆိုတော့  ဘောလုံး တစ်သင်းစာ မွေးထုပ်နိူင်လောက်အောင် အိမ်ထောင်တစ်ခုကို
အတည်တကျ ထူထောင်နိူင်ခဲ့ ခြင်းနှင့်  အရက်ကို သူဌေး သားဘဝက သောက်သည့် ပုံစံ အတိုင်း နဲနဲလေးမှ
မရော့ ပဲ သောက်နေခဲ့ ခြင်းတို့ ပါ။

ဦးဝင်း မူးလာတိုင်းပြောပြောနေသည့် စကား တစ်ခွန်းက "အေးကို ချစ်သလို ထွေး(ထွေးညို) ကို လဲချစ်ပါတယ် "
တဲ့ လေ ။ သည်စကားလေးတစ်ခွန်း ထဲနှင့် ပင် ဆယ်သုံးယောက်မြောက်သော ခလေး တို့ မွေးဖွား ပြီးသည့် 
အချိန် အထိ ဒေါ်အေး တစ်ယောက် အမော မဖောက်ခဲ့ ပေမဲ့  ကျွန်တော်တို့  ပတ်ဝန်းကျင်ကတော့  ဒေါ်အေးကို
ကြည့် ပြီး အမောပေါက်ခဲ့ ရပါသည်။

" ကဲ..ရော့ ..ရော့ ..ဒေါ်အေး.. ဆန်ကွဲ ငါးလုံး လောလောဆယ်ရတယ် ယူသွားတော့ .." လို့  မဟေသီ့  အသံပေါ်
လာမှ ဒေါ်အေး အကြောင်း အတွေး တို့ ရပ်သွားရသည်။
"သာဓု..ပါတော်..သာဓု၊သာဓု..." ဟု သူပြောရင်း ပဲပြုတ်တောင်းကို ခေါင်းပေါ် စွေ့ ကနဲတင်၊ဆန်ကွဲ အိပ်ကလေး
တစ်ဖက်က ဆွဲပြီး ထွက်သွားသော ဒေါ်အေး နောက်ကျောကို ကျွန်တော်တို့  လင်မယား နှစ်ယောက်ကြည့် ၍
ကျန်ခဲ့ ပါတော့ သည်။ မြင်တိုင်း မောရသော ဒေါ်အေး ပါလို့ ။

...............................................................................................................................................

ကျွန်တော် အငယ်ကောင် ကျောင်းသွားပို့ ပြီး အိမ်ပြန်လာတော့  နောက်ဖက်လမ်းရှိ ဦးမောင် တို့ အိမ်ဖက်တွင်
လူတွေ ရုံးစု၊ရုံးစု ဖြစ်နေသောကြောင့်  သူတို့  အိမ်ဖက် ခပ်သွက်သွက် ဆက်သွားလိုက်မိသည်။
ဦးမောင်တို့  ရေကပြင်ရှိ ရေတိုင်ကီ ဘေးကို အသာမှေးစေ၍ နှာနှပ် ပေးနေရသော သတိ မလည်သေးသည့် 
ခြေလက်ဆင်းပြီး ပက်လက်ဖြစ်နေရှာသော ဒေါ်အေးကို တွေ့  လိုက်ရပါသည်။
ဦးမောင် ကတော် ဒေါ်ဌေး က သူခြင်ထောင် ကိုညှစ်နေတုံး ရုတ်တရက် ရှေ့ ကို ငိုက်ငိုက်နဲ့  ထိုးလဲသွားလို့  ငါလဲ
အိမ်ပေါ်က အမြန် ပြေးဆင်းပြီး ထူလိုက်ရတာလေ.. ဟု ဒေါ်အေး ရဲ့  ဆံစ လေးများကို အသာဖွရင်း ရပ်ခတ်ပေး
လျက်က ကျွန်တော့် ကို သူလှန်းပြောလာပါသည်။

ဒေါ်အေး ရဲ့  အမောတွေက ဒါတင်ပဲလား ဆိုတော့  မဟုတ်ပါ။ တစ်နေကုန် အလုပ် မျိုးစုံ တို့  လျှောက်လုပ်ပြီး၍
နေညိုချိန် ရောက်လာပြန်တော့  ထွေးညိုနှင့် အေး ကိုပါ ချစ်လှပါသည် ဆိုသော သူ့ လောင်တော်မင် ဦးဝင်း
ကို ကျွန်တော်တို့  လမ်းထိပ်ရှိ ဘုံဆိုင်ရှေ့ တွင် ထီးတစ်ချောင်း ဂျိုင်းကြားညှပ်ပြီး မပြန်မခြင်း စောင့် ရခြင်းပါ။

တစ်ခါတလေ ဒေါ်အေးတစ်ယောက် ဖျားနာပြီး အလုပ်မလုပ်နိူင်သည့် ရက်များတွင် ဘောလုံး တစ်သင်းစာရှိ
သော ဦးဝင်းတို့ သားအဖ တွေ ဘာလုပ်ကြပါသနည်း ဆိုရပါသော်... အိမ်တွေက ပေးထားသည့်  ဆန်ကွဲ တို့ 
ဖြင့်  ဆန်ပြုပ်ပြုပ် သောက်ကြသည်တဲ့ ။

ပြုပ်စရာ ဆန်မျှပင် မရှိလျှင်ရော..တဲ့ ၊
ရေ သောက်၍ တညီ၊တညာ ထဲ အိပ်နေကြပါသည် တဲ့ .. ဗျာ။
ဒေါ်ထွေးကို ချော့ ပြီး မေးခဲ့ လို့  သိခဲ့ ရတာပါ။ သို့ မို့ ကြောင့်  သူ့ ကို ရင်းနီုးရာ အိမ်တိုင်းက သူ့ ယောင်္ကျားနှင့် 
သူ့ သားများ သမီးထွေး လေးတို့ ပါ ဝတ်နိူင်မည့်  တစ်ပတ်ရစ် အဝတ်၊အထည်၊ပဆိုး၊ဘောင်းဘီ တို့ ကို စုစောင်း
ပြီး သူ့ကို စုစု ပေးလေ့ ရှိခဲ့ ကြပါသည်။

ခလေးတွေကို သူကျောင်းတော့ ထားခဲ့ ပါသည်။မပြေလည်လွန်းတော့ လဲ...
ကိုမေတ္တာကြီး ပြောသလို ဆယ်တန်းနှင့်  ကျောင်းပြီးသည်အထိ မရောက်နိူင်တော့ ပဲ နှစ်တန်းသုံးတန်းတို့ နှင့် 
သာ အဆုံးသတ်ကုန်ကြတော့ သည်။

ခလေးတွေကလည်း တစ်နှစ်တစ်သားကျ မွေးမွေးနေတော့  တစ်ချို့ ခလေးများမွေးလျင် သူ့အိမ်က ဘယ်သူမှ
မလိုက်နိူင်။ဒေါ်အေး တစ်ယောက် သူ့ ဖာသာသူ အဝတ်ထုပ်ပြင်၍ ဆေးရုံကို တစ်ယောက်ထဲ ချီတက် လေတော့ 
သည်။

သူ့ ကို ကြည့် ၍ ကျွန်တော် ရင်မောလွန်းသောကြောင့်  ခင်ဗျား.. စစ်ကိုင်းချောင် သွားမလား ကျွန်တော် အားလုံး
တာဝန်ခံမယ်ဗျာ.. ခင်ဗျားအတွက်.. ဟုပြောရာ၊ မလုပ်ပါနဲ့ တော့  ငါ့ တူရယ်.. သူတို့ ကို အဒေါ် မပစ်ခဲ့ နိူင်ပါဘူး
တဲ့ ...။
ဘယ်လိုပဲဖြစ်နေဖြစ်နေ ဒေါ်အေးတို့  တို့ နေကောင်းနေသရွေ့ ကတော့  လမ်းမပေါ်မှာ နေပူ၊မိုးရွာမရှောင်
မိုးလင်းမိုးချုပ် သနပ်ခါး အဖွေးသားနှင့်  တစ်အိမ်တက်ဆင်း ဇယ်ဆက်သလို မမောနိူင်၊မပန်းနိူင်အောင်ရှာဖွေ
ကောင်းနေတုံးပါ။

သူ့ ကို ကျွန်တော် ကြည့် ၍ ကျောင်းသား ဘဝက ကြားဘူးခဲ့ သည့်  ကဗျာ တစ်ပုဒ်ကို သတိရလာမိပါသည်။
"လောကဓံ ၏ ရိုက်နှက် ပုတ်ခတ်မှုတို့ ကြောင့်  ငါ့ ဦးခေါင်းထက်တွင် သွေးတို့ ဖြင့်  ချင်းချင်းနီနေ၏ သို့ သော်
ဦး ကားမညွှတ်.." ဟုပါ။
ဒီကဗျာ လေးက ဒေါ်အေးအတွက် လို့ ကျွန်တော် ဆိုချင်ပေမဲ့  ဒိထက် ပိုသင့် တော်မည့်  ခိုင်းနိူင်း စရာလေးကို
ကျွန်တော့်  မဟေသီ ကိုမေးကြည့် မိတော့  အကိုကလဲ... ဒါများ အလွယ်လေး..တဲ့ ၊ ကဲ ..လင်းစမ်းပါအုံး...
ဘာများလဲလို့ ကွာ... လို့  သူ့ ကိုမေးတော့ .. သူ ကျွန်တော့် ကို ပြုံးပြီးပြန်ပြောလာပါသည်။

"ပဒုမ ပေါင်တို "တဲ့ ဗျာ..။
အင်း.. ဒေါ်အေးရဲ့ ဇာတ် က ပေါင်မတိုပေမဲ့  လိုက်တော့ လိုက်သား လို့ ကျွန်တော်ထင်မိပါတော့ သည် ခင်ဗျား။

......................................................................................................................................

( ပြီးသွားပါပြီ )

Monday, November 9, 2009

ရေတွင်းကလေး ( ဇာတ်သိမ်းပိုင်း )

" ကဲ.. ပါ. ကိုယ်တော် ရယ်... ကျုပ်ဖာသာ ကျုပ်ခပ်ပါတော့ မယ်၊ တကတဲမှပဲ.. ရေလေးတစ်ပုံး ဆွဲနေလိုက်တာ
များလျှာတစ်လစ်ထွက်နေပြီ ၊ နင့် လျှာကြီး ရေတွင်းထဲပြုတ်ကြတော့ မယ်၊ ဆရာ တပည့်  နှစ်ယောက် လျှာ အလှ ပြိုင်နေလိုက်ကြတာများ " အသွဲ့ က ငတိုး ကို ပြောလိုက်တာပါ။


သည်နေ့ တော့  အသွဲ့ ကို "ငယ်ကျွမ်းဆွေ " ရုပ်ရှင်ထဲကလို အတူးက အသက်ကို ပြောသည့် အတိုင်း စကားလုံး
လှလှ လေးတွေ ပြောတော့ မယ်လို့  သူ ရည်ရွယ်ခဲ့ မိပေမဲ့  သူ့ ကို ရုတ်တရက် ခွေးနှင့် နှိုင်းလိုက်သဖြင့် ပြော
့မည့်  ခေါင်းစဉ် ပြောင်းရန် ငတိုး ဆုံးဖြတ်လိုက်တော့ သည်။

တကျီကျီ.. မည်နေသော စက်သီး အသံအတိုင်း အသွဲ့ ကို ပြန်ပက်ချင်သည့်  စကားလုံးတွေကလဲ အစီစီ အရီရီ
ပေါ်လာတော့ သည်။

" ဟာ.... နေစမ်းပါအုံး ဒီမှာ... " ဆိုပြီး ရေတွင်း ဘောင်ပေါ်တင်ထားသည့်  သူ့ မြေအိုးထဲသို့  ဆွဲပုံးထဲမှ ရေကို
ထည့် ပေးရင်း ငတိုး ပြောလိုက်သည်။ အသွဲ့ က " ဘာလဲ.. မြန်မြန်.. ဒီမှာ ရေတွေ အေးကုန်တော့ မယ်နော် "
ဟု သူ့ ကို ထပ် ကစ်ပြန်သည်။
" အေးပါ..ဟ .." ဟု ပြော တော့  ပြုံးစေ့ စေ့  မျက်နှာပေးနှင့် ငတိုးကို သူကြည့် နေသည်။
" နင်ငယ်ငယ် တုံးက..."
"ဘာလဲ.."
"ငါတို့  ဗန်ဒါသီးတွေ ကောက်ပြီး ခွဲခွဲ စားကြတာလေ. "
" ဒီတော့ .... "
" နင်..ငါ နွှာပေးလိုက်တဲ့  ဗန်ဒါ စေ့ တွေ နင့် ဂါဝန်ထဲ ထည့် ပြီး .."
" အင်း...."
" ပုဆိုး ဝတ်သလို ထုပ်ချီ ပြီး ထွက် ထွက် သွားတာလေ.. ငါ့ ရှေ့ က..."
" ဘာလဲ.. ဟာ... "
" ဟဲ..ဟဲ.. နင် ဘောင်းဘီ ဝတ်လာလို့ .. တော်သေး...." စကား မဆုံးခင် အသွဲ့  ရဲ့  ဗိုက်ကြော ဆွဲလိမ်မဲ့  လက်
ကလေး ရောက်လာ၍ ငတိုး သူ့ ကိုယ်ကို အသာရို့ နောက်ဆုတ် ရှောင်လိုက်ရသည်။
" အစုပ်ပလုပ်တုတ်အကောင်.." ရဲ သောနူတ်ခမ်းတို့  ဆူ၍ သူ့ ကို ထောပနာ ပြုတော့ သည်။
" ဒါ ဘာ ဟုတ်သေးလဲ၊ "
" ငတိုး.. နော်.. ငါ သွားတော့ မယ်၊ နင့် အဖွား နဲ့ တိုင်မယ် " ရေ တွင်း မှ ထွက်တော့  မည်ပြင်သော အသွဲ့  ကို
သူ့  မြေအိုးလေးကို လှန်းဖိရင်း ခဏ လေးပါဟု ကပျာ ပြောရသည်။
" နင် .. မျောက် ဖင် နီ ကို တွေ့ ဘူးလား.. သူ့ ဖင်က အမြဲတန်း ရဲ တွတ်နေပြီး ၊ အရည်တစိုစိုနဲ့  ယဉ် တလောင်း
လောင်းနဲ့  မှို ပွင့် ကြီးလိုပဲလေဟာ.. " အသွဲ့  မျက်လုံး တို့  အရောင် စ ထွက်လာသည်။
" အဲ ဒါ.. ဟို တုံးက သနပ်ခါးထူထူ၊ နှုတ်ခမ်းနီတရဲရဲ၊ ဇီးထုပ် ဇီးဖတ်တွေ အမြဲပေပွ နေတဲ့  နင့် ပါးစပ်လိုပဲ သိလား .. ဟားဟား..."

ရေတွင်းကလေးထဲတွင် ရုတ်ရုတ်၊ သဲသဲ ဖြစ်နေ သော အသွဲ့  နှင့် ကျွန်တော့် ကို စွန်ပျံ ဆေးလိပ်ခုံ ပေါ်မှ
ခုံကလေးတွေကိုယ်စီနှင့်  ဖင်စီခံ တွေ တစ်တောက်တောက် ရိုက်သွင်းနေသော ဆေးလိပ်သမတို့  လှန်းကြည့် 
ရင်း ပြုံးစိစိ ဖြစ်ကုန်တော့ သည်။

သိပ် မကြာလိုက်၊ လမ်းတစ်ဖက် ရှိ မုန့် ဆိုင်တွင် လာထိုင်နေသော ကြီးဒေါ် ကြီး ကပါ သူတို့  အရေးအခင်းကို
မြင်သွား၍ ငတိုးကို လှန်းအော်ပြီး ဟန့်  ပါတော့ သည်။ ခွေး ကလေး ငဖြူ ကလည်း ရေတွင်း လေးကို လှည့် ပတ်
ပြေးရင်း တစ်ဝုတ်ဝုတ် နှင့်  ထိုး ဟောင်နေတော့ သည်လေ။

အသွဲ့  ကလည်း သူ နောက်မလာတော့ ဘူး ဟုပြောပြီး ပြန်ထွက်တော့ မည်လုပ်သောကြောင့်  သူ့ ရေအိုးလေး
ကို ဆွဲ ထားရင်းက လာရင်း ကိစ္စ ကို ကပျာကယာပဲ ပြောရပါတော့ သည်။
" ငါ့ ..ငါ့  ကို အဖြေ..အဖြေ လေး ပေးပေး ပါအုံး.. "
" ဟဲ့ .. ငကြောင်.. ဘာအဖြေလဲ ဘာတွေ မေးလို့ .. ဖယ်တော့ ဟာ..."
" နင့် ကို ငါ ရည်းစကားပြောနေတာလေဟာ..နင်ကလည်း .."
" အောင်မာ...... ငါ ထင်သားပဲ ၊ဒီလို လာတော့ မယ်လို့ ၊ငနာကောင်၊အေး.. ငါ့  အဖြေ လိုချင်ရင် နင်.. တပိုးနဲ့ 
သူများတွေထမ်းသလို ရေထမ်း နိူင်တဲ့  နေ့  ငါပေးမယ် "
" ကျောင်းဖွင့် လို့  ငါပြန်ရရင်ဘယ်လိုလုပ်မလဲ.."
" ဒါ နင့် ကိစ္စလေဟာ.. လုပ်ချင်လုပ်၊မလုပ်ချင်နေ၊ ဖယ်တော့ ဟာ......"
သူ့  မျက်နှာ ဆူပုတ်လာသောကြောင့်  မြေအိုး လေးကို သူ လွှတ်ပေးလိုက်ရင်း အင်း.. ငါ. ငါ့ ဦးလေးထက်တော့ 
သာပြီဟု ငတိုးတစ်ယောက် ကြည်နူးစွာ တွေးလိုက်မိပါတော့ သည်။
................................................................................................................................................

ဟေ့ အကောင်.. ခါးကို ကြောက်ကန်ကန်ပြီး တအား မတ်ပြီးတောင့် မထားနဲ့ လေကွာ... ဦးလေး ဖြစ်သူက
ငတိုး ကို ရေထမ်းနည်း သင်ပေး နေတာပါ။ လေး လိုက်သည့်  ရေ နှစ်ပုံးဗျာ..၊ တော်တော် လေး ဖိတ်ကျ ၍
တစ်ဝက် စီလောက်ရောက်တော့ မှ နိူင်နိူင်နင်းနင်း ဖြစ်သွားတော့ သည်။
ရေ စ ပြီး ထမ်းကာစက ရေနှစ်ပုံး ဝိတ်ကို တပိုးနှင့် ပင့် ပြီး ပုခုံး နှင့်  ထိမ်းလိုက်နိူင်သော်လည်း တစ်လှန်းနှစ်လှန်း
လှန်း ရုံရှိသေး ၊မနိူင့် တနိူင်နှင့် ယိမ်းယိုင် လာသည့်  ခန္ဒာကိုယ်ကြောင့်  ရေအထန်းကြီးကို အလန့် တကြားဖြင့် 
နောက်လှန်ပစ်ချလိုက်မိသည်။

ခါး ကို လိမ်ပြီး တပိုး ညွှတ်ပြီး လှုပ်နေတဲ့ အတိုင်း ခပ်သွက်သွက်လျှောက်ကွ ၊ ဘေးက ဦးလေးပြောသည့် အတိုင်း
ရေတွင်းကလေးမှာ အကြိမ်ကြိမ် ရီဟာဆယ် အလုပ်ကောင်း နေသောကြောင့် အဖွားပေးသော ရေခတ် နောက်
ကျသည့်  အပစ်ကို တူဝရီး နှစ်ယောက် ထိုနေ့ က ရရှိခဲ့ ပါသည်။ နေ့ လည် စာ အငတ်ထားခြင်းပါ။
အင်း... ယောင်္ကျား တို့ တတ်အပ်တဲ့  အဌာရဿ ဆယ့် ရှစ်ရပ်မှာ ရေခတ်တာလဲ ပါမှာပဲ ဟု ငတိုး ဆာဆာနှင့် ပဲ
တွေးခဲ့ မိပါသည်။
..................................................................................................................................................

သင်္ကြန် ကျတော့ မည်။ ဦးလေး တို့  ကလသား တစ်သိုက်ကတော့  သူတို့  စုငှားထားသည့်  သုံးဘီး ကားလေး
ကို ဆန်ကော ဝိုင်းကြီးတွေ ကပ်၊ ဖျာကြမ်းတွေ ပတ်ပြီး ပန်းချီ တွေ၊ ပုံတွေ ဆွဲ ရင်း အလုပ်ရှုပ်နေကြသည်။
ကျော်ဟိန်းပုံကတော့  အထင်းသားပါ။ သုံးဘီးက ဆိုင်ကယ်ဟန်တယ်လ် နှင့် ရန်ကုန် က နှင်လိုက်သည့်  သုံးဘီး
လေးတွေပါ။

ငတိုး တစ်ယောက်ကတော့  ခါတိုင်းနှစ်လို ခွက်စောင်းခုတ်ရန် နိူ့ ဆီခွက် မရှာတော့ ပဲ အသွဲ့ ကို မဟာဆန်ဆန်
ဖလားလေးနှင့် ပဲ လောင်းတော့ မည်ဟု။ ယ္ခုတော့ .. တာလမ်းကို ငဖြူလေးနှင့် အခေါက်ခေါက်အခါခါဖြတ်ကူး
ပြီး ရေထမ်းလေ့ ကျင့် နေတုံး။ အဖွားတို့ ကတော့  ပြောင်းလဲသွားသော ငတိုးကို ကြည့် ပြီး တပြုံးပြုံးပေါ့ လေ။
...............................................................................................................................................

ထိုနေ့ ... ထိုနေ့ ကလေးပေါ့ လေ..။
ငတိုး ခြေထောက်တွေ မြဲမြံလာတဲ့ နေ့ ၊
ရေထမ်းကို မယိမ်းမယိုင်ပဲ အထိန်းအသိန်းနိူင်စွာ စ ထိမ်းနိူင်သည့် နေ့ မှာပေါ့ လေ။
ရေတွင်းကလေးထဲမှ ရေအပြည့် နှစ်ပုံးကို ထမ်းပြီး တာလမ်းကို ခပ်သွက်သွက်ဖြတ်ကူးဘို့ အထွက် သူ့  ငဖြူလေး
ကလည်း ဘေးကနေ သူနှင့်  လမ်းကိုဖြတ်အကူး...၊
တာကြီးကုန်းပေါ်မှ ကုန်ဝိတ်လူဝိတ်အပြည့် နှင့်  ထိုးဆင်းလာသော " ဝ တစ်လုံး "ကုန်ကားကြီး နှင့်  သူတို့ ပက်
ပင်း တိုးပါလေတော့ သည်။ ငဖြူလေးက ကားဘီးအောက်မှ အမြီးလေးကုတ်ခါ ဖြွတ် ကနဲ လွတ်ထွက်သွားပေ
မဲ့  ရေထန်းဝိတ်နှင့်  ငတိုးကတော့  ကတော့ မလွတ်တော့ ..။
" ဝတစ်လုံး " ကားဂေါင်းကြီး ကို နောက်ဆုံး အကြိမ်အဖြစ်ကြည့် ရင်း ကိုယ်သွားပြီ အသွဲ့ ရေ... ဟု ။
ကား ဘရိတ် အုပ်လိုက်သံ၊ ဆေးလိပ်ခုံမှ အလုပ်သမတို့  အလန့် တကြားအော်သံနှင့် ကားတာယာနှင့်  တာလမ်း
တို့  ပွတ်တိုက်လိုက်သံ တို့ က တာကလေးရပ်တစ်ခုလုံး ပွက်ပွက်ဆူသွားပါတော့ သည်။
.......................................................................................................................................................

ထိုနေ့ က ငတိုး မသွားခဲ့ ရပါ။
တကယ် ထွက်သွားခဲ့ ရသည်က... ငတိုး ရဲ့ အသွဲ့ ပါပဲ..။
တာကြီးကုန်းရဲ့  တစ်ဖက်အဆင်း မိုင်ဒါဈေးဖက် ဆိုက္ကားနှင့်  ဈေးအဝယ်ထွက်သွားသော အသွဲ့ စီးသွားသည့် 
ဆိုက္ကားကို ကုန်းပေါ်မှ ဆင်းသွားသော ကုန်ကားက ဘရိတ်မမိပဲ တိုက်မိသွားခြင်းပါလေ...။
တိုက်ဆိုင်သွားတာကတော့  ငတိုးနှင့်  ဟိုဖက်ကုန်း၊ဒီဖက်ကုန်း တစ်ချိန်ထဲဖြစ်ခဲ့ ရခြင်းပါပဲ။
.......................................................................................................................................................

သင်္ကြန်ကျပါပြီ။
အမေ စော လက်ထဲ ထင်းစလေးတွေ ထည့် ပေးရင်း ငတိုးမြင်ကွင်းတွေ ဝေဝါးနေသည်။ လိမ့် ထွက်ကျချင်လာ
သော မျက်ရည်ဥ တို့ ကို ငတိုး မျက်တောင်အကြိမ်ကြိမ်ပုတ်ခတ်ပြန်တင်ဘို့ ကြိုးစားရင်း မျက်ရည်ဝဲနေသော
အသွဲ့ ရဲ့ အမေ အမေစောနှင့်  မျက်နှာခြင်း ဆိုင်ဖြစ်တော့ သည်။
.......................................................................................................................................................

တာလမ်းမကြီးပေါ်ရှိ တန်းစီနေသော သင်္ကြန်ကားတွေ၊ ရေကစားနေသူတွေကို အိမ်ပေါ်မှာ ငတိုးတစ်ယောက်
ငဖြူ လေးနှင့် ပူးထိုင်ပြီး ငေးကြည့် နေမိသည်။လက်တစ်ဖက်က ဖလားလေးကိုင်၊တစ်ဖက်က ငဖြူလေးကို
အသာလေးပွတ်လို့ ပါ။
..........................................................................................................................................................

ရေတွင်းကလေးမှာတော့  ရေပက်ရန်၊ရေခတ်ရန် လူတွေ တရုံးရုံးနှင့် ပါ။
သူတို့ ဆီမှ လတ်ဆတ်၊လန်းဆန်းနေသော သင်္ကြန်ရနံ့ လေးက ငတိုး တို့ ဆီ လွင့် ပျံ လာနေပါတော့ သည်။

............................................................................................................................................................

( ပြီးသွားပါပြီ )

ို

Friday, November 6, 2009

ရေတွင်းကလေး ( တတိယ )

အသွဲ့ တို့  အိမ်က ငတိုးတို့  အိမ်ဝိုင်းနှင့်  ရွှေင်္ဟသာ ဆီစက်ကြားရှိ ဖွဲလမ်းကြားထဲတွင် ဖြစ်ပါသည်။
သူတို့ က ဖွဲလမ်းကြားထဲရှိ သူတို့ ၏အိမ်ရှေ့ တွင် မနက်တိုင်း မုန့် ပစ်သလက်၊ မုန့် လင်မယား နှင့်  ဘိန်းမုန့် တို့ ကို လုပ်ရောင်းလေတော့  ငတိုးတစ်ယောက် ရွာရိုးကိုးပေါက် ရှောက်လည်ရင်း ဗိုက်ဆာလို့  အိမ်ပြန်လာတိုင်း
လက်ဗလာ ပြန်လာလေ့ မရှိပဲ ချိုင်မိချိုင်ရာ သစ်ကိုင်း ကျိုး၊သစ်ကိုင်းေ ခြာက်တပွေ့ ၊တပိုက၊် တော့ ပြန်ပိုက်
လာရင်း အသွဲ့ တို့ အမေ အမေစော လက်ထဲ ဝင်ထည့် ပေးလေ့ ရှိခဲ့ ပါသည်။ဒါကြောင့် မို့ လဲ သူအလွန် နှစ်ခြိုက်
ခဲ့ သည့်  နှမ်းထောင်းရနံ့ သင်းသင်းလေးနှင့်  မုန့် ပစ်သလက်အဖြူ လေးကို ကျောင်းပိတ်ရက် တစ်နွေလုံး အမေစောက ငတိုးကို အလကားကြွေး နေခဲ့ ပါသည။်

အသွဲ့ တို့ ရဲ့  မုန့် ပစ်သလက် အဖြူ လေးကို တစ်နွေလုံး သူအလကားစားနေရင်းက ငတိုးအဖွား၏ ပြားချပ် နေ
သော ဘော်လီရှင်မီးအင်္ကျီထဲမှ သူ့ အဖွားနှိုက် နှိုက်ပေး နေခဲ့ သော မနက်စာမုန့် ဖိုး အကြွေ စ လေးများကို
စုစောင်းရင်း မျောက် တို့ ရှုံးသွားအောင် ဆော့ ကစားနိူင်သည့်  လက်နက်ကရိယာများဖြစ်သော လေးဂွတို့ ၊
နေကုန်သွားအောင် လွှတ်လို့ ရသည့်  စွန် များနှင့် ရစ်လုံးတို့ ကို သူ ဝယ်ယူ ဖြည့် တင်းနိူင်ခဲ့ ပါသည်။

သည်နေ့ တော့  အဖွားတို့  အိမ်ဝိုင်း နောက်ထဲရှိ စပါးလှန်းသည့်  သံမံတလင်း ထဲတွင် အသွဲ့  ကို စွန် ထိုးပေး
ဘို့  ချော့ ခေါ်သွားရင်း ရထားလမ်း တစ်ဖက် လည်ကွင်းထဲမှ ပြန့် လွင့် လာနေသည့်  ဟသာင်္တ ထွန်းရင်၏
သီချင်း တစ်ပုဒ်ကို သူ့ ကိုနားထောင်ခိုင်းပြီး ငတိုးတစ်ယောက် အသွဲ့ ကို အင်ထရို လုပ်ပါတော့ သည်။

" ဟဲ့ ... အသွဲ့ ... အခု လော် ထဲက လာနေတဲ့  သီချင်းကို နင်၊ နားထောင်ကြည့် စမ်း.."
" အာ..... ဘာဖြစ်လို့ လဲ........ "
"နင်တို့  ကိုထွန်းရင်ဆိုနေတဲ့  သီချင်းကလဲ ပိတောက်တွေက နှစ်တိုင်း၊သူ့ အတွက် ပဲ ရွေးပွင့် ပေးနေတယ်တဲ့ "
"ငတိုး.. နင်.. ပေါက်ကရ မပြောနဲ့ နော်.. ဒါပဲ.."
"မပြောပါဘူးဟာ.. အမှန်ပြောမလို့ ၊ မောင်ထွန်းရင် တစ်ကိုယ်ကောင်းဆန်တာလေ၊ ပိတောက် က သူ့ တစ်
ယောက်ထဲ အတွက်တဲ့  နင်စဉ်းစားသာကြည့် တော့ .."
"အဲဒါ.. နင်နဲ့  ဘာဆိုင်လို့ လဲ..."
" မဆိုင်ပါဘူး.. ၊ ဒါပေမဲ့  ..ဟဲ့ ..အသွဲ့ .".
"ဘာလဲဟာ............. "
"မနက်ဖြန် ရေခတ်ရင် ငါတို့ အိမ်ရှေ့ က စွန်ပျံ ဆေးလိပ်ခုံတွင်း မှာ လာပြီး ရေခပ်ပါဟာ .."
"မခပ် ခြင်ပါဘူး.. တာလမ်းကူးရမှာ.."
"ငါ ဆွဲ ဖြည့် ပေးပါ့ မယ်ဟာ.. နင်ကလဲ"
"ဟဲ့ ..ရန်ကုန်သားရဲ့  .. နင်က ဘယ်တုံးက ရေဆွဲ၊ရေခတ်ဖူးလို့ လဲ..."
"အောင်မာ... နင်ကများ ငါ့ ကို အသင်ထေး နေတယ်၊ နင် သာလာခဲ့  ငါဆွဲပြမယ်"
"အထင်သေးပါ..တစ်ခါထဲ..ရှောက်ပြောနေ၊ကဲ..လာပါ့ မယ်တော်၊ငါမဆွဲရ ပြီးရော.." ဆိုပြီး မျက်စောင်း
ထိုးပါတော့ သည်လေ၊ ငတိုး ကိုပါ။

စွန် လေးကို ကိုင်ပြီး ထိုးပေးဘို့  ပြေးသွားနေသော အသွဲ့ ၏ နောက်ကျောကို တစ်ဝှီးဝှီးလည်နေသော ရစ်လုံး
ကြားမှ ငတိုး ကြည့် ၍ သူ့ ရင်ထဲမှာ အောင်ပြီ၊အောင်ပြီ ဟု သုံးခါ တိတိ ပြုံး၍ ရေရွတ်နေမိသည်။

အသွဲ့ က ကဲ.. ထိ်ုးလို့ ရပြီလား လေ လာနေတုံး ဟု စွန် လေးကို သူ့ ရင်ဘတ်နှင့် ကြိုးတင်းအောင် စွဲကပ်ရင်း
လှန်းအော်တော့ သည်။ ငတိုးကလည်း ရပြီဟေ့ .. ဟု အော်ပြောပြီး ရစ်လုံးလေးကို မွှတ်နေအောင် ရစ်တင်
လိုက်တယ်ဆိုရင်ပဲ အသွဲ့ တစ်ယောက် ဖွဲ လမ်းကြားထဲ လှည့် ပြေးပါတော့ သည်။
ချက်ခြင်းတော့  အသွဲ့ တစ်ယောက် ဘာကြောင့်  ပြေးသည်ကို သူ မသိလိုက်ပေမဲ့  စွန် ကလေး ဝါး တစ်ထောက်
အမြင့်  လေ ထဲ အရောက် လေ အဟုန်တွင်ပဲ ဂိုင်း ကန် စုတ်ပြဲ သွားတော့ မှ စွန် အစ နှစ်ဖက်ကို အသွဲ့ အသာ
ဖြဲ ပစ်ခဲ့ မှန်း သိရပါတော့ သည်။
သံမံတလင်း ကျယ်ကျယ် နေပူကြီးထဲ တစ်ယောက်ထဲ ဂိုင်းကန်သွားအောင် ဒေါကန်ပြီး ကျန်ခဲ့ သော ငတိုး
တစ်ယောက်ကို မပြီးဆုံး သေးသော ကိုထွန်းရင် သီချင်းက လှောင်နေသလိုပါ။
.............................................................................................................................

အသွဲ့ က ငယ်ငယ်တုံးက သိပ်ညစ်ပတ်လွန်းသည်ဟု ငတိုးထင်ပါသည်။ ( သူ ကလည်း အမြဲတန်း၊ဗိုက်ရွှံ့ နှင့် 
ဖုံ အလိမ်းလိမ်း၊ဂျီးလက်လေးသစ်ပါ။) အမြဲ တွဲလောင်းကျတတ်သော နှပ်ရည် ပြစ်ပြစ်ကို လက်ဖမိုးနှင့်  ပါးပေါ်
ဆွဲ ဆွဲ တင်တတ်တော့  ထူပိန်းအောင်လိမ်းထားတတ်သော ပါးကွက် ထူထူကြီး နှစ်ဖက် ပေါ်တွင် ခြောက်ကပ်
နေသော နှပ်ချေးခြောက် များကို အမြဲ တွေ့ တွေ့ နေရတတ်ပါသည်။
နှုတ်ခန်းနီ ရဲရဲကြီးကို အမြဲဆိုးထားတတ်သည့် အထဲ ဇီးထုပ် စပ်စပ်ကိုလည်း သူ့ အမေရောင်းသည့်  မုန့် ပစ်
သလက်တို့ ထက် ပိုကြိုက်တတ်တော့ ပါးကွက်ထူထူ၊နှပ်ချေးခြောက် တရပစ်နှင့် ရဲတွတ်သော နှုတ်ခန်းတို့ နှင့် 
ဇီးထုပ်ကို သွားစိ၍ ခြစ်ဆွဲ စား စားနေတတ်သော အသွဲ့ ကို ကြည့် ဘူးသော ရုပ်ရှင်တွေထဲကလို ချစ်ခွင့် ပန်ဖို့ 
အသာလေး နမ်းကြည့် ဘို့  ရောင်လို့ တောင်မှ စိတ်ကူးမယာဉ်မိခဲ့ ပေမဲ့  သည်နှစ် နွေရာသီ ကျောင်းပိတ်ရက်
ရောက်လာလို့  သူ့ ကိုတွေ့ တော့  နှပ်ချေးဖတ်တို့ ကင်းစပြုနေပြီးတစ်မျိုးယဉ်နေလို့  ဦးလေးကို အားကျပြီး
ယှဉ်ပြိုင်ဖို့  အသွဲ့ ကို ချဉ်းကပ်ဖို့ ကြိုးစားရခြင်းပါ။
.........................................................................................................................

အသွဲ့  တစ်ယောက် ရေတွင်းကို ရောက်လာတော့  ရေပုံးကို စက်သီးဖြင့်  ဖြည်းဖြည်းခြင်း လျှော့ ချနေရင်း
ရေတွင်းထဲ ငုံ့ကြည့် မိတော့  နက်လွန်း၍ မဲမှောင်ပြီး ပြပြသာ မြင်ရတော့ သော ရေမျက်နှာပြင်ကို မြင်မိပြီး
ရင် တို့ ဖိုခဲ့ ရပါသည်။
ကျော်ဟိန်းရူး ရူးနေသော ငတိုး ဦးလေး ကိုတင့် ဝေက သူ့ ကြိုက်သည့်  အမာရီ့ အပေါ် ထားရှိသည့်  သူ့ 
သံယောဇဉ် အတိမ်အနက်ကို ဒီရေတွင်း အနက် ကြီးနှင့် ခိုင်းနှိုင်း ပြောဆိုခဲ့ တော့ ၊ သူ့  ကျတော့  ရေတွင်း ထဲ
တစ်ခွေပြီးတစ်ခွေ ဆက်ဆင်းနေသော ရေပုံးကြိုးခွေနှင့် အရှည်နှင့်  ခိုင်းနှိုင်းပြောကြည့် ရင် ရမှာပေါ့  ဟု
ငတိုး တစ်ယောက် စဉ်းစားနေမိသည်။
အသွဲ့  ကတော့  မြေအိုးကို ခါးထစ်ခွင်ရင်း ရန်ကုန်သား ငပွေးကို ဘေးမှ မျက်မှောင်ကြုံ့ ပြီး အသာစောင့် 
ကြည့် နေတော့ သည်။
လက်မောင်း။လက်ဖျံတို့ လက်ကျော တို့  တင်းနေအောင် ရေတစ်ပုံးကို တရစ်ခြင်း ခါးကို ကုံး၍ ကိုယ်ကို ဘယ်
ညာ လှုပ်ရန်းဆွဲတင်နေသော မောင်ငတိုးလေးကို အားပေးဖို့  ရေတွင်းထဲ ပြေးဝင်လာသည့်  နောက်ပရိတ်
သတ်တစ်ဦးကတော့  လျှာတစ်လစ်၊အမြီးတစ်ရန်းရန်း ဖြစ်နေသော ငဖြူ လေးပါလေ။

...............................................................................................................................................

( ဆက်ရန် )